(ဂ)-မိုင်းယန်းပြည်သူ့ဆေးရုံကြီးတွင်လက်ထောက် ဆရာဝန်များခန့်ထားပေးရန်နှင့်ဝန်ထမ်းများအတွက် ၆ ခန်းတွဲအိမ်ရာတစ်လုံး ဆောက်လုပ်ပေးရန် အစီ အစဉ်ရှိ၊မရှိ နှင့် စပ်လျဉ်းသည့် မေးခွန်း
မိုင်းယန်းမြို့နယ် ပြည်သူ့ဆေးရုံကြီး ၂၅ ခုတင်ဆံ့ ဆေးရုံကြီးဖြစ်ပြီး မြို့နယ်ဆရာဝန်ကြီး(၁)၊ လက်ထောက်ဆရာဝန် (၃)ဦးအား ဖွဲ့စည်းပုံအရ ခန့်ထားခွင့်ပြုထားသော်လည်း မြို့နယ်ဆရာဝန်ကြီး(၁)သာရှိပြီး ယနေ့တိုင် လက်ထောက် ဆရာဝန်တစ်ဦးမျှ ခန့်ထားခြင်းမရှိသည့်အတွက် မြို့နယ်ဆရာဝန်ကြီး တစ်ဦးတည်းအနေဖြင့် လူနာများကို ကြည့်ရှုပေးနေရပါကြောင်း၊ မြို့နယ်ဆရာဝန်ကြီး အနေဖြင့်လည်း တာဝန်အရအစည်းအဝေး တက်ရောက်ခြင်း၊ သင်တန်းများ တက်ရောက်သည့်အခါတွင် မိုင်းယန်းပြည်သူ့ဆေးရုံကြီးတွင် ဆရာဝန်တစ်ဦးမျှ မရှိသည့်အတွက် လူနာများအနေဖြင့် အခက်အခဲများစွာဖြင့် ကြုံတွေ့နေကြရပါကြောင်း၊ ထို့အပြင် မိုင်းယန်းပြည်သူ့ဆေးရုံကြီး ဝန်းအတွင်းရှိ ဝန်ထမ်းအိမ်ရာများ ဆောက်လုပ်ရန် မြေအသင့်ရှိပြီးဖြစ်ပါသည်။ ထို့ကြောင့် (၁) မိုင်းယန်းမြို့နယ် ပြည်သူ့ဆေးရုံကြီးတွင် လစ်လပ်လျက်ရှိသော လက်ထောက်ဆရာဝန်များအား ခန့်ထားပေးရန် အစီအစဉ်ရှိ/မရှိနှင့် ရှိပါက မည်သို့ဆောင်ရွက်ပေး နိုင်မည်နည်း၊ (၂) ပြည်သူ့ဆေးရုံဝန်ထမ်းများအတွက် ခြောက်ခန်းတွဲဝန်ထမ်းအိမ်ရာ တစ်လုံးအား ဆောက်လုပ်ပေးရန် အစီအစဉ်ရှိ/မရှိကိုလည်း သိရှိလိုပါကြောင်း မေးမြန်းပါသည်။