ရခိုင်ပြည်နယ်သည် မြန်မာနိုင်ငံ၏ အနောက်ပိုင်းတွင်တည်ရှိပြီး ဘင်္ဂလားပင်လယ်၊ ဘင်္ဂလားဒေ့်(ရှ်)။အိန္ဒိယနိုင်င်ငံတို့နှင့် နယ်နိမိတ်ချင်းထိ စပ်နေသော ပြည်နယ်တစ်ခု ဖြစ်ပါကြောင်း၊ ရခိုင်ပြည်နယ် ၏ တောင်ပိုင်း တွင် ပြည်တွင်းကို ကုန်းကြောင်းဖြင့်သွားလာနိုင်သော်လည်း မြောက်ပိုင်းတွင် ကုန်းကြောင်းဖြင့် မသွားလာနိုင်သော နေရာများရှိနေပါကြောင်း၊ မော်တော်ကားနှင့် တိုက်ရိုက်သွားလာနိုင်သော ဘူးသီးတောင် -မောင်တောမြို့နယ် များသည် မော်တော်ကားနှင့် တိုင်ရိုက်သွားလားနိုင်ခြင်း မရှိသည့်အပြင် လေကြောင်းခရီးနှင့် သွားလာပါကလည်း လေယာဉ်ကွင်းမရှိသည့်အတွက် ခရီးသွားလာမှုမှာ အခက်အခဲများစွာ ကြုံတွေ့နေရပါကြောင်း၊ ရသေ့တောင်မှ ဘူးသီးတောင်ကို မော်တောင်ကားလမ်း ဖောက်လုပ်ပေးမည်ဆိုပါက ရခိုင်ပြည်နယ် (မြောက်ပိုင်း) တွင် တိုင်းရင်းသာပြည်သူများ ပြည်တွင်းအတွင်းကို ကုန်းလမ်းခရီးဖြင့် တိုက်ရိုက်သွားလာနိုင်မည်ဖြစ်ပါကြောင်း၊ ယင်းလမ်းကို ဖောက်လုပ်ပေးပါကလည်း နယ်စပ်ဒေသလုံခြုံရေး နှင့် ကာကွယ်ရေးအတွက် လုံခြုံရေးတပ်များ၊ စစ်တွေမြို့မှတစ်ဆင့် ရေလမ်းခရီးဖြင့် သွားရသည့်အချိန်ထက် ကုန်းလမ်းခရီးဖြင့် သွားရအချိန်က ပိုပြီးတိုတောင်းသည့်အတွက် လုံခြုံရေးနှင့် ကာကွယ်ရေးလုပ်ငန်းများကို အလျင်မြန်ဆုံး ဆောင်ရွက်နိုင်မည်ဖြစ်ပါကြောင်း၊ သို့ဖြစ်ပါ၍ ရသေ့တောင်မြို့မှ ဘူးသီးတောင်မြို့ကို ဆက်သွယ်သော မော်တော်ကား လမ်းကို ဖောက် လုပ်ပေးရန် အစီအစဉ်ရှိ/မရှိ၊ အစီအစဉ်ရှိပါက မည်သည့်ဘဏ္ဍာနှစ်တွင် စတင်ဖောက်လုပ်ပေးနိုင်မည်နှင့်  မရှိပါက မည်သည့်အတွက်ကြောင့်ဖြစ်သည်ကို သိရှိလိုကြောင်း မေးမြန်းပါသည်။