မိမိအနေဖြင့် အဋ္ဌမအကြိမ်က မေးမြန်းခဲ့သော ထိုင်းနိုင်ငံတွင် အကျဉ်းကျခံနေရသော  မြန်မာအကျဉ်းသားများနှင့် ပတ်သက်၍ နဝမအကြိမ်တွင် ပြည်ထဲရေးဌာနက ထပ်မံရှင်းလင်းဖြေကြားပေးခြင်းကြောင်း ကျေးဇူးတင်ရှိသည်ကို ဦးစွာ ပြောကြား လိုပါကြောင်း၊ ဘန်ကောက်ရှိ ဂေါက်ဖင်း အကျဉ်းထောင်မှ ဗမာအကျဉ်းသားများသည်  ဒီဇင်ဘာလ ၂၅ ရက်နေ့ ၂၀၁၃ နေ့စွဲဖြင့် စာပေး ပို့လာရာတွင် လွှတ်တော်မှ ထိုင်းနိုင်ငံရောက် မြန်မာအကျဉ်းသားများ အတွက် ဆောင် ရွက်ပေးခြင်း ကြောင့်  မျှော် လင့် ချက် အများကြီး ထားလာပါကြောင်း၊ အခြေခံဥပဒေ ပုဒ်မ ၃၈၀ တွင် နိုင်ငံခြားရောက် သူတွေလည်း နိုင်ငံတော် ၏ အကာအကွယ်ကို ရယူနိုင်သည်ဆို သည့် အခြေခံဥပဒေပြဋ္ဌာန်းချက် အသက်ဝင်လာ ခြင်းကြောင့် အများကြီးအား တက်မိပါကြောင်း၊ သီးသန့်တင်ပြလိုသည်မှာ ထိုင်းနိုင်ငံရှိ မြန်မာသံရုံးမှ အခြေအနေမှန်နှင့် လွဲ၍ပေးသည့် မေးမြန်းချက် တစ်ပုဒ်အပေါ် လွှတ်တော်တွင် ဝန်ကြီး၊ ပြည် ထဲရေး၊ နိုင်ငံခြားရေး ရုံးများမှ ဖြေကြားသောကြောင့် တကယ့်အချက်အလက်များ မြေပြင်နှင့် ကွဲလွဲ နေသည် ဟုထောက်ပြပါကြောင်း၊ ၎င်းတို့အနေဖြင့် လွှတ်တော်တွင်ဖြေကြားခဲ့ သကဲ့သို့ မဟုတ်ဘဲ အလုပ် လုပ်ရာတွင် ခွဲခြားဆက်ဆံခံရခြင်း၊ ပညာ‌ရေးလေ့လာခြင်း၊   ကျန်းမာရေးအတွက် လေ့ကျင့်ခန်းဆောင်ရွက်ခြင်း၊  နေ့စဉ် ကျွေးမွေးနေသော အစားအသောက် ထုတ်ပေးရာတွင် ထိုင်း အကျဉ်းသားများနှင့် အဆင့်အတန်း အရေအတွက်မတူညီခြင်း၊ ထိုင်း အကျဉ်းသားများနှင့် မြန်မာအကျဉ်းသားတွေကို ခွဲခြားပြီးတော့ ထားရှိခြင်း၊ ကျန်းမာရေးကုသရာတွင် ဆရာဝန်တွေများနှင့် ညှိနှိုင်းတိုင်ပင်ရန် အခွင့်အရေးများ မရှိခြင်းများအပြင် သံရုံးနှင့်လည်း နီးကပ်စွာ ဆက်ဆံခွင့်မရခဲ့ခြင်းများနှင့် လွှတ်တော်တွင် ဝန်ကြီးဌာနမှ ဖြေကြားသော အခွင့်အရေးများကို ၎င်းတို့ အနေဖြင့် မရရှိသည်ကို အချက်အလက်များဖြင့် တင်ပြလာပါကြောင်း၊ ထို့ကြောင့် ထိုင်းနိုင်ငံတွင် အကျဉ်းခံနေ ရသော မြန်မာနိုင်ငံ အကျဉ်းသားတွေနှင့်ပတ်သက်ပြီး ထိုင်းမိဖုရားမွေးနေ့နှင့် ထိုင်းဘုရင်မွေးနေ့များတွင်  အကျဉ်းသားမည်မျှ ပြန်လွှတ်နိုင်ရန်   နိုင်ငံခြားရေးရုံးမှ စွမ်းဆောင်နိုင်ခဲ့သည်ကိုလည်းကောင်း၊ အကျဉ်းသားလဲ လှယ်ရေးစာချုပ်အခြေအနေကိုလည်းကောင်း သိရှိလိုကြောင်းမေးမြန်းပါသည်။