ကွန်းချောင်းကြိုးဝိုင်းသည် ဧရိယာအားဖြင့် ၁၅၈၆၆ ဧကရှိပြီး မြေပုံမြို့နယ်၏ အကြီးဆုံးကျွန်းတစ်ခုဖြစ်သော ကွန်းချောင်း ကျွန်းပေါ်တွင်တည်ရှိပါကြောင်း၊ ၁၉၁၀ ခုနှစ်မှစတင်ကာ အမိန့်အမှတ် ၆၅/၁၉၁၀ ဖြင့် သစ်တောကြိုးဝိုင်းသတ်မှတ်ခဲ့ပါကြောင်း၊  သို့သော် လွန်ခဲ့သော နှစ် ပေါင်း ၂၀ခန့်က စတင်ကာ  အိန္ဒိယကုမ္ပဏီတစ်ခုက သစ်များစတင်ထုတ်လုပ်ပြီး နောက်ပိုင်းတွင် ထူးကုမ္ပဏီက စက်ကိရိယာ၊ ယန္တရား များနှင့် ထုတ်လုပ်ခြင်းကြောင့် သစ်တောပြုတ်းတီးခဲ့သည့်မှာ  နှစ်ပေါင်း အတော်ကြာ ပါပြီဖြစ်ပါကြောင်း၊ သစ်တောကြီး နုပျိုစဉ်က နိုင်ငံတော်၏အကျိုးကို သယ်ပိုးနိုင်ပြီး ယခု အိုမင်းမစွမ်းဖြစ်သည့် အချိန်အခါတွင် ပြုစုစောင့် ရှောက်မယ်‌့သူမရှိသည့် အခြေအနေ မျိုးဖြစ် ပေါ်လာပါကြောင်း၊ ထို့ကြောင့် သက်ဆိုင်ရာ ကုမ္ပဏီနှင့် နိုင်ငံတော်အစိုးရက ပူးပေါင်းပြီး ကြိုးဝိုင်းသစ်တောအဖြစ် ပြန်ပြီးတည်ထောင်ပေးစေချင်ပါကြောင်း၊ ယင်းဒေသတွင်လည်း ကြိုးဝိုင်းတောကိုမှီခိုပြီး ဘဝရပ်တည်နေကြရသော ထင်းခွေ၊ သစ်ခုတ်၊ နွယ်ဖြတ်၊ ဟင်း တစ်နပ်စာကို ရှာစားနေရသည့် ပြည်သူများလည်းရှိကြပါကြောင်း၊

ယင်းသစ်တောကို သစ်တောကြိုးဝိုင်းလို့သတ်မှတ်လိုက်ခဲ့သည့်အတွက် ပြည်သူတွေအနေဖြင့် သစ်ခုတ်ခြင်း၊ ထင်းခွေခြင်း၊ ဟင်းရှာခြင်း၊ နွယ်ဖြတ်ခြင်းများသည် အလွန်ပင်ခက်ခဲသည့်အပြင် ဥပဒေနှင့်လည်းငြိစွန်းသောကြောင့် ဒုက္ခရောက်ကြသည့် သဘောမျိုး ရှိပါကြောင်း၊ထို့ကြောင့် မြေပုံမြို့နယ်၊ ကွင်းချောင်းကြိုးဝိုင်း သစ်တော အား ပြန်လည်ပြုစုပျိုး ထောင်ရန် အစီ အစဉ်ရှိ/မရှိနှင့် အစီအစဉ်ရှိပါက မည်သည့်ခုနှစ်မှစ၍ မည်သို့အစီအစဉ်ဖြင့် အကောင်အထည်ဖော်ဆောင်ရွက်သွားမည်နှင့် အစီ အစဉ်မရှိပါက ဒေသခံပြည်သူများ ဥယျာဉ်ခြံမြေများ ဝင်ရောက် လုပ်ကိုင်နိုင်ရန်နှင့် ကြိမ်၊ နွယ်၊ သစ်၊ ဝါးများကို လွတ်လပ်စွာ  ရယူသုံးစွဲနိုင်ရန်အတွက် ကြိုးဝိုင်းသစ်တော အဖြစ်မှ ပယ်ဖျက်ပေးနိုင်ခြင်း ရှိ/မရှိ သိလိုပါကြောင်း မေးမြန်းပါသည်။