ယခု ဇူလိုင်လ ၁၉ ရက်တွင် ကျရောက်သော အာဇာနည်နေ့တွင်  မပိတ်ခဲ့သည့် စက်ရုံများကို အရေးယူတရားစွဲဆိုခြင်းများ တွေ့နေရသော်လည်း မိမိတို့ဘက်ရှိ ရေအားလျှပ်စစ်စက်ရုံများ၊ သဘာဝဓာတ်ငွေ့ စက်ရုံများနှင့် ဓာတ်အားခွဲရုံတို့တွင်  တာဝန်ထမ်းဆောင် နေကြသည့် ဝန်ထမ်းပေါင်းမြောက်များစွာအနေဖြင့် အာဇာနည်နေ့နှင့် ရက်ရှည် ရုံးပိတ်ရက်များကဲ့သို့သော အများပြည်သူအလုပ်ပိတ်ရက်များတွင်ပင်  အလုပ်ဆင်းနေရပါကြောင်း၊ သို့သော် ယင်းဝန်ထမ်းများအနေဖြင့် ခံစားခွင့်များကို တရားဥပဒေဘောင်အတွင်းက ရရှိခြင်း မဟုတ်ဘဲ ဌာနဆိုင်ရာအကြီးအကဲများက အဆင်ပြေသလို ဖြေရှင်းပေးနေသည်ကို တွေ့ရှိရပါကြောင်း၊ ထို့ကြောင့် အဆိုပါ နိုင်ငံ့ဝန်ထမ်းအလုပ်သမားများကို အလုပ်သမားဝန်ကြီးဌာနက ဥပဒေဘောင်အရ မည်ကဲ့သို့ ဖြေရှင်းပေးနိုင်မည်ဆိုသည်ကို သိရှိလိုပါကြောင်းနှင့် တစ်နေ့ပတ်လုံး ၂၄ နာရီတာဝန် ထမ်းဆောင်နေရသည့် နိုင်ငံ့ဝန်ထမ်းများ၏ အများပြည်သူအလုပ်ပိတ်ရက်နှင့် အချိန်ပိုလုပ်ခများ ခံစားခွင့်များသည် လက်ရှိ အလုပ်သမားရေးရာဥပဒေများနှင့် ကိုက်ညီမှု၊ အဆင်ပြေမှုရှိ/မရှိ သိရှိလိုကြောင်း မေးမြန်းသည်။