(င)-သင်္ဃန်းကျွန်းမြို့နယ်၊မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီဖွဲ့စည်းခြင်းနှင့် အဆို ပါကော်မတီ၏ ဆောင်ရွက်ချက်များနှင့် စပ်လျဉ်း သည့်မေးခွန်း
ပုဒ်မ ၆၂ တွင် သက်ဆိုင်ရာမဲဆန္ဒနယ်၌ ဒေသဖွံ့ဖြိုးရေးစီမံကိန်းရေးဆွဲရာတွင် အုပ်ချုပ်ရေး၊ လူမှုရေး၊ စီးပွားရေးကဏ္ဍနှင့် ပတ်သက်ပြီး ပြည်သူ့ဆန္ဒသဘော ထားကို ဖော်ဆောင်သည့် နေရာမှာသက်ဆိုင်ရာ အာဏာပိုင်အဖွဲ့အစည်းများ၊ အာဏာ ပိုင်ပုဂ္ဂိုလ်များက ပြည်သူကရွေးချယ်လိုက်သော လွှတ်တော် ကိုယ်စားလှယ်များကို အလေးထားတိုင်ပင်အပ်သော ပုဂ္ဂိုလ်များဖြစ်သည်ဟု မှတ်ယူရမည် ဟု ပြဋ္ဌာန်းထား ပါကြောင်း။ ထို့ပြင် ယင်းဥပဒေအပြင် နိုင်ငံတော် သမ္မတရုံး အမိန့် ကြော်ငြာစာအမှတ် (၂၇/၂၀၁၃) ဖေဖော်ဝါရီလ ၂၆ ရက်ထုတ်အမိန့် အပိုဒ် ၁၀ တွင်လည်း မြို့နယ်ဖွံ့ဖြိုးရေး လုပ်ငန်းများ အကော်အထည်ဖော် ဆောင်ရွက်ရာတွင် တည်ဆဲဥပဒေ၊ နည်းဥပဒေ၊ အမိန့်ကြော်ငြာစာများကို အလေးထားလိုက်နာရန် ညွှန်ကြားခဲ့ပါကြောင်း။
သို့သော် မိမိတို့သင်္ဃန်းကျွန်းမြို့နယ်တွင် သမ္မတရုံးအမိန့်ကြော်ငြာစာ၊ ညွှန်ကြားချက်ထုတ်ပြန်ပြီး နောက် ၁၉-၆-၂၀၁၃ တွင် မြို့နယ်ဖွံ့ဖြိုးရေးအထောက်အကူအဖွဲ့ကို ဖွဲ့စည်းခဲ့ပါကြောင်း၊ သို့ရာတွင် မိမိတို့လွှတ်တော် ကိုယ်စားလှယ်များအား တိုင်ပင်ဆွေးနွေးညှိနှိုင်းမှုများမရှိခဲ့ပါကြောင်း၊ ဤကိစ္စရပ်များမှာ ပြည်သူ့လွှတ်တော် ဆိုင်ရာ ဥပဒေပြဋ္ဌာန်းချက်များကို ချိုးဖောက်နေပါကြောင်း၊ သို့ဖြစ်ပါ၍ လွှတ်တော်ရုံးကို ၂၀၁၃ ခုနှစ်၊ စက်တင် ဘာလ ၁၂ ရက်နေ့မှာ ယခုကိစ္စနှင့်ပတ်သက်ပြီး မေးခွန်း မေးမြန်းခဲ့ပါကြောင်း။
၂၀-၉-၂၀၁၃ တွင် မြို့နယ်အထောက်အကူဖွံ့ဖြိုးရေးကော်မတီ ဥက္ကဋ္ဌ အဖြစ် တာဝန်ပေးထားသော ပုဂ္ဂိုလ်သည် မြို့နယ်တွင် အတိုင်အတောနှင့် မေးခွန်းထုတ်သော ပုဂ္ဂိုလ်ဖြစ်နေသည့်အတွက် လွှတ်တော် ကိုယ်စား လှယ်လေးယောက်လုံးမှ ကန့်ကွက်ကြောင်းစာပို့ခဲ့ရာ ၂၁-၉-၂၀၁၃ ရက်နေ့တွင် အစည်းအဝေးဖိတ်စာများ ရောက် ရှိလာပြီး မြို့နယ်ဖွံ့ဖြိုးရေးတွင် ပါဝင်သူများအား သိရှိခွင့်ရရှိခဲ့ပါကြောင်း။
သို့ဖြစ်ပါ၍ နိုင်ငံတော်သမ္မတရုံးမှ ၂၆-၂-၂၀၁၃ ရက်စွဲဖြင့် ထုတ်ပြန်သည့် အမိန့်ကြော်ငြာစာအမှတ် (၂၇/၁၃)ဖြင့် မြို့နယ်နှင့်ရပ်ကွက် သို့မဟုတ် ကျေးရွာဖွံ့ဖြိုး တိုးတက်ရေးအထောက်အကူပြု ကော်မတီများ ဖွဲ့စည်း တာဝန်ပေးအပ်ရန် ညွှန်ကြားခဲ့ရာ သင်္ဃန်းကျွန်းမြို့နယ်၌ မြို့နယ်ဖွံ့ဖြိုးတိုးတက်ရေး အထောက် အကူပြုကော် မတီကို ဖွဲ့စည်းရာတွင် လွှတ်တော်ကိုယ်စားလှယ်များအား အသိပေး ညှိနှိုင်းခြင်းမရှိ ဘဲ ပြုလုပ်သွား သည်ကို ပြည်ထောင်စုအစိုးရကသိပါသလား။ သမ္မတရုံး၏ ညွှန်ကြားချက်ကို ဆန့်ကျင်ဆောင်ရွက်နေမှုအား အဘယ်ကြောင့် လစ်လျူရှုထားပါသနည်း။ မသိသေးပါက ယင်းညွှန်ကြားချက်နှင့်အညီ လိုက်နာဆောင်ရွက်ရေး အတွက် အကောင် အထည်ဖော်ပေးနိုင်ပါမည်ကို သိရှိလိုကြောင်းမေးမြန်းပါသည်။