(စ)-ချင်းပြည်နယ်ဆင်းရဲနွမ်းပါးမှုလျှော့ချရေးအတွက် လုပ်ဆောင်နေသည့်လုပ်ငန်းများကိုသိလိုခြင်းနှင့်စပ် လျဉ်းသည့် မေးခွန်း
ချင်းပြည်နယ်သည် ပုန်ကန်သူများမရှိဘဲ အလွန်အေးချမ်းသော နယ်မြေဒေသဖြစ်ပါကြောင်း၊ မိမိတို့ မည်သည့်ကိစ္စ၊ မည်သည့်စီမံချက်ကိုမဆို လုပ်ဆောင်မည်ဆိုပါက ဝိုင်းဝန်းပြီး လုပ်ဆောင်ရန် စည်းလုံးညီညွတ်ကြပါကြောင်း၊ မိမိတို့ပြည်နယ်အတွက် အစိုးရအဆက်ဆက်က တိုးတက်ရန် လုပ်ဆောင်ပေးခဲ့ပါသော်လည်း အကျိုးပြုနိုင်မှု မရှိခဲ့ပါကြောင်း၊ ရန်ပုံငွေများကို အသုံးပြုသည့်နေရာတွင် မြို့နယ်အလိုက် မည်သည့်အတွက် အသုံးပြု၍ ထိရောက်မှု မည်မျှ ရှိသည်ကို ပြန်လည်စစ်ဆေးမှုရှိ/မရှိ၊ အထောက်အကူပြုကော်မတီများ ရှိနေပြီဖြစ်သည့်အတွက် ယင်းကော်မတီများမှ မည်မျှ အထိ တာဝန်ယူဆောင်ရွက်နေသည်ကို သိရှိလိုကြောင်း၊ ဒေသခံပြည်သူများကို အကျိုးပြုနိုင်သည့် လုပ်ငန်းများ၊ စိုက်ပျိုးရေး၊ မွေးမြူရေး၊ တောတောင်ရေမြေသဘာဝနှင့် ကိုက်ညီမည့် သီးနှံပင်များ ဒေသအလိုက် သုတေသနလုပ်ရန်နှင့် ဈေးကွတ်များ ဖော်ထုတ်ပေးရန် ချင်ပြည်နယ် ဆင်းရဲနွမ်းပါးမှု လျှော့ချရေးအတွက် ပြည်ထောင်စုအစိုးရမှ လုပ်ဆောင်နေသည့် လုပ်ငန်းများကို သိရှိလိုကြောင်း မေးမြန်းပါသည်။