ပြည်ထောင်စုရွေးကောက်ပွဲကော်မရှင်၏ ညွှန်ကြားချက်အမှတ် (၁/၂၀၁၄)အပိုဒ် ၅ တွင် မဲဆွယ်စည်းရုံးရေး ကာလအတွက် ၁၅ ရက်အတွင်း ကြိုတင်ပြီး လွှတ်တော် ကိုယ်စားလှယ် လောင်းအမည်စာရင်း ကြိုတင် ကြေညာပြီးသည့်နောက် ၁၅ ရက်အတွင်း မဲဆွယ်စည်းရုံးရေးအစီအစဉ်ကို ကြိုတင်ပြီးလျှောက် ထားရမည်ဟု ပါရှိပါကြောင်း၊ ထို့အတူပဲ အပိုဒ် ၁၀ အပိုဒ်ခွဲ(ဂ)တွင်လည်း လွှတ်တော်ကိုယ်စား လှယ်လောင်းတွေအနေဖြင့် စည်းရုံးဟောပြောသည့်အခါ အဆောက်အဦ၊ စာသင်ကျောင်း ပြီးနောက် ဘုန်းကြီးကျောင်း၊ ဈေး၊ အလုပ်ဌာန ယခုလိုနေရာများတွင် မဲဆွယ်စည်းရုံးခွင့်မပြုဘူးဆိုသည့် ကန့်သတ်ချက် များပါရှိပါကြောင်း၊ ခွင့်ပြုမိန့်ကိုလည်း ကော်မရှင်မှ ၇၂ နာရီ၊ တစ်နည်းအားဖြင့် ၃ ရက်အတွင်း ကြိုတင်ထုတ်ပေးရမည်ဟု ခွင့်ပြုမိန့်ပါ စည်းကမ်းချက်များကိုလည်း ပြင်ဆင်နိုင်ကြောင်း၊ ခွင့်ပြုမိန့်ကိုလည်း ရုပ်သိမ်းနိုင်သည်ဆိုပြီး ပါရှိပါသည်။ ထို့ကြောင့် မိမိတို့အနေဖြင့် ဒါ Campaign ကာလတွင် ပြဋ္ဌာန်းထားချက်များဖြစ်ပါကြောင်း၊ သို့ပေမယ့် လောလောဆယ် လွှတ်တော်ကိုယ်စားလှယ်များ အနေဖြင့် လူထုနှင့်တွေ့ဆုံသည့်နေရာတွင် (၁/၂၀၁၄)နှင့် ကင်းလွတ်ခွင့်ရှိသည်ဟု ယူဆပါကြောင်း၊ ထို့အတူ မိမိတို့ လက်တွေ့နယ်ပယ်တွင် လူထုနှင့်တွေ့သည့်အခါ နေရာကန့်သတ်ချက်၊ အချိန်ကန့်သတ်ချက်များကို မိမိတို့မထားနိုင်ဘဲ အချိန်နှင့်တစ်ပြေးညီ လိုရင်လိုသလိုတွေ့ရသည့် အတွက်ကြောင့် မိမိတို့က အဲ့ဒီအတိုင်းမလုပ်ခဲ့ကြပါကြောင်း၊ ပြီးတော့ ဒီအတိုင်းလုပ်ရမည်၊ ဒီစည်းကမ်းချက်များအတိုင်း လိုက်နာရမည်ဆိုသည့် ညွှန်ကြားချက်၊ အမိန့်၊ ဥပဒေများ လည်းမရှိပါကြောင်း၊ ထိုကဲ့သို့လုပ်လို့လည်း မဖြစ်နိုင်ပါကြောင်း၊

မိမိတို့လာမည့် ရွေးကောက်ပွဲကာလမှာဆိုလျှင် လွှတ်တော်ကိုယ်စားလှယ်များ အနေဖြင့် အဲ့ဒီအခွင့်အရေးရမလား၊ လူထုနှင့်တွေ့ဆုံ ရှင်းလင်းပွဲများကို လုပ်သည့်အခါတွင် မိမိတို့ (၁/၂၀၁၄)နှင့် အညီလုပ်ရမည်လား။ ဒါမှမဟုတ် ၎င်းအတိုင်းပဲ လူထုနှင့်တွေ့ဆုံသည့် အခွင့်အရေးကို (၁/၂၀၁၄)နှင့် အညီမဟုတ်ဘဲ ဆက်လက်ပြီး ရနိုင်ခွင့်ရှိသလား၊ တစ်ဖက်မှ လွှတ်တော်ကိုယ်စားလှယ်များ ရွေးကောက်ပွဲ စားလှယ်လောင်းများလည်း ဖြစ်နေနိုင်ပါကြောင်း၊ အဲ့ဒီအချိန်အခါမျိုးတွင် မိမိတို့ ဒီအခွင့်အရေးကို မရတော့ဘူးလားဆိုသည့် မိမိတို့နှင့် လက်တွေ့နယ်ပယ်တွင် ကြုံရမည့် အခက်အခဲလေးများရှိကြောင်း၊ သို့ဖြစ်ပါ၍ (၁) မဲဆွယ်စည်းရုံးခွင့်ကာလတွင် လက်ရှိလွှတ်တော် ကိုယ်စားလှယ်များ အနေဖြင့် လွှတ်တော်ကိုယ်စားလှယ် လောင်းမဟုတ်ပါက လူထုနှင့်တွေ့ဆုံရှင်းလင်းပွဲများကို ပြုလုပ် ရာတွင် ပြည်ထောင်စုရွေးကောက်ပွဲကော်မရှင်မှ ထုတ်ပြန်ထားသော ရွေးကောက်ပွဲဆိုင်ရာစုဝေးဟောပြောခွင့်၊ မဲဆွယ်စည်းရုံးခွင့် စည်းကမ်းများကိုလိုက်နာရန်လို/မလိုနှင့် (၂) လက်ရှိလွှတ်တော် ကိုယ်စားလှယ်လည်း ဖြစ်လာမည့်ရွေးကောက်ပွဲအတွက် လွှတ်တော် ကိုယ်စားလှယ်လောင်းအဖြစ် အမည်စာရင်းတင်သွင်း ထားသူလည်းဖြစ်ပါက အထက်ပါရွေးကောက်ပွဲဆိုင်ရာ စည်းမျဉ်းစည်းကမ်းများအား လိုက်နာရန်လို/မလို သိရှိလိုပါကြောင်းမေးမြန်းပါသည်။