(က)-တရားသူကြီး၏ဆုံးဖြတ်ချက်များသည်ဥပဒေနှင့် ညီညွတ်မှု မရှိပါကမည် သို့ အရေးယူ ဆောင်ရွက် သည်နှင့်ဖြောင့်မတ်မှန်ကန်မှုမရှိသောတရားသူကြီး မည်မျှရှိကြောင်းနှင့်မည်သည့်မြို့နယ်များတွင်အရေး ယူထားကြောင်းသိလိုခြင်းနှင့်စပ်လျဉ်းသည့်မေးခွန်း
မြန်မာနိုင်ငံတွင် ရှေးယခင်က တရားသူကြီးများ၏ ဆုံးဖြတ်ချက်များမှာ ပြစ်မှုကျူးလွန်သူ ပြစ်ဒဏ်မှ ကင်းလွတ် သွားခြင်းအပေါ် မည်သို့မျှခံစားချက်မရှိသော်လည်း အပြစ်မရှိသူတစ်ဦးအား မှားယွင်းစွာ ပြစ်ဒဏ်ချမှတ်မိပါက အလွန်ပင်ခံစားရပါကြောင်း၊ ရှေးယခင်က အပြစ်ရှိသူအား သေဒဏ်အထိအပြစ်ပေးရန် ကြုံလာသည့်အခါ မှားယွင်းမှုမရှိစေရန်အတွက် သက်ဆိုင်ရာက ဥပုပ်သီလစောင့်တည်၍ စိတ်ငြိမ်းချမ်းမှုရရှိမှ သာလျှင် ပြစ်ဒဏ် ချမှတ်ကြောင်းကိုလည်း လေ့လာသိရှိခဲ့ရပါကြောင်း၊ ယခုခေတ် တရားစီရင်ရေးအခန်းကဏ္ဍ များတွင် အမှားကိုအမှန်၊ အမှန်ကိုအမှား ဥပဒေကို လက်တစ်လုံးခြားပြုလုပ်၍ အဂတိတရားလိုက်စားဆောင်ရွက်မှုများ ရှိနေကြပါကြောင်း၊ သို့ဖြစ်ပါ၍ (၁) တရားရေးမဏ္ဍိုင် ဖြောင့်မတ်မှန်ကန်ရေးအတွက် တရားသူကြီးများ၏ ဆုံးဖြတ်ချက်များသည် တရားဥပဒေနှင့် ညီညွတ်မှုမရှိပါက ၎င်းတို့အပေါ်တွင် မည်သို့အရေးယူဆောင်ရွက်မည်ကို သိရှိလိုပါကြောင်းနှင့် (၂) မြန်မာနိုင်ငံတွင် ဖြောင့်မတ်မှန်ကန်မှုမရှိသော တရားသူကြီးဦးရေ မည်မျှအရေးယူ ထားကြောင်းနှင့် မည်သည့်မြို့နယ်များတွင် အရေးယူထားကြောင်းကို သိရှိလိုကြောင်း မေးမြန်းပါသည်။