(ခ)-တာဝန်ရှိသူအချို့ကလမ်းဘေးဝဲယာများ ကို ရောင်းစားထားမှုကြောင့် ကျေးရွာ၊ရပ်ကွက်များ တွင်ဖွံ့ဖြိုးရေးအတွက်လမ်းများအားဖောက်လုပ်ရာ၌ ဝယ်ယူထားသူများနှင့်ပြဿနာ ကြုံတွေ့နေရပါသဖြင့် မည်သို့ဆောင်ရွက်ပေးမည်ကိုသိလိုခြင်းနှင့်စပ်လျဉ်း သည့် မေးခွန်း
မိမိတို့မြန်မာနိုင်ငံသည် ရပ်ကွက်၊ ကျေးရွာအလိုက် မြေကြီးမြေပုံများကို ရှေးယခင်ကတည်းက သတ်မှတ်ထား ပြီးဖြစ်ပါကြောင်း၊ ထိုသို့သတ်မှတ်ထားသည့်အခါတွင် လမ်းဧရိယာများကို တိတိကျကျ ဖော်ပြထားပါကြောင်း၊ သို့ရာတွင် ယခုအခါ တာဝန်ရှိသူအချို့မှ လမ်းဘေးဝဲယာများကို ရောင်း စားထားခဲ့မှုကြောင့် ကျေးရွာ၊ ရပ်ကွက်များ ဖွံ့ဖြိုးရေးအတွက် လမ်းအား ကွန်ကရစ်ခင်းခြင်း၊ ကတ္တရာလမ်းများ ဖောက်လုပ်ခြင်းများပြုလုပ်သည့် အခါတွင် ဝယ်ယူထားသူများနှင့် ပြဿနာများကြုံတွေ့နေကြရပါကြောင်း၊ ထိုသို့ကြုံတွေ့နေရခြင်းသည် တာဝန်ရှိသူတို့ပြုလုပ်ခဲ့ခြင်းကြောင့် ကျေးလက်၊ ရပ်ကွက်ဖွံ့ဖြိုးမှုအား အဟန့်အတားဖြစ်ခဲ့ရပါကြောင်း၊
တာဝန်ရှိသူများ၏ ဆောင်ရွက်ခဲ့မှုကြောင့် ဖွံ့ဖြိုးရေးလုပ်ငန်းများ နှောင့်နှေးဟန့်တားမှုရှိခြင်းအပေါ် မည်သို့ အရေးယူဆောင် ရွက်ပေးမည်နှင့် ဝယ်ယူသူများအား မည်သို့ဆောင်ရွက်ရမည်ကို သိရှိလိုပါကြောင်းမေးမြန်း ပါသည်။