(င)-ပလက်ဝမြို့နယ်မှ သိပ္ပံတွဲဖြင့် (၁၀) တန်းအောင်ကျောင်းသား/သူများသည်သိပ္ပံလက်တွေ့ သင်တန်းကိုအပတ်စဉ်စနေ/တနင်္ဂနွေနေ့များအစား တစ်ပတ်နှစ်ပတ် ဆက်တိုက် သင်ကြားပေးရန် အစီအစဉ်ရှိ၊ မရှိ နှင့် စပ်လျဉ်းသည့် မေးခွန်း
2020-12-19
ဝေးလံခေါင်သီဒေသတစ်ခုဖြစ်သော ချင်းပြည်နယ်၊ ပလက်ဝမြို့နယ်မှ သိပ္ပံတွဲဖြင့် (၁၀)တန်းအောင် ကျောင်းသူ ကျောင်းသားများသည် သိပ္ပံလက်တွေ့သင်တန်းကို အပတ်စဉ် စနေ တနင်္ဂနွေနေ့ များ၌ တက်ရောက်နိုင်ခြင်းမရှိသဖြင့် ဝိဇ္ဇာတွဲသို့ ပြောင်းလဲသင်ယူရသောာကြောင့် ကျောင်းသူကျောင်းသားများအနေဖြင့် မိမိတို့ကျင်လည်တတ်သော ဘာသာရပ်များကို သင်ယူရန် အခွင့်အရေးများ ဆုံးရှုံးနစ်နာနေရပါကြောင်း၊ ဝေးလံခေါင်သီဒေသများမှ ကျောင်းသားများ အများစု ဆင်းရဲသဖြင့် အဝေးသင်တက္ကသိုလ် စာပေးစာယူတစ်နှစ်ကိုသာ အားထား မှီခိုနေရသည့်အပြင် ၎င်းဒေသများတွင် သိပ္ပံဘွဲ့ရကျောင်းဆရာ များ ရှားပါးနေသည့်ပြဿနာလည်းရှိနေပါကြောင်း၊ သို့ဖြစ်ပါ၍ သင်တန်းရှည်တစ်ခုဖြစ်သော သိပ္ပံလက်တွေ့သင်တန်းကို အပတ်စဉ် စနေ၊ တနင်္ဂနွေအစား တစ်ပတ်၊ နှစ်ပတ် ဆက်တိုက်သင်ကြားပေးရန် အစီအစဉ်ရှိ/မရှိ သိရှိလိုပါကြောင်းမေမြန်းပါသည်။