(ဂ)-ချောက်မြို့နယ်အပါအဝင်မိုးနည်းရေရှားဒေသ များ၌ သောက်သုံးရေရှားပါးမှု အခက်အခဲကိုအထူး စီမံချက်တစ်ရပ်ချမှတ်ဖြေရှင်းပေးရန် အစီအစဉ်ရှိ၊ မရှိ နှင့် စပ်လျဉ်းသည့် မေးခွန်း
၂၀၀၁ ခုနှစ်မှ ၂၀၁၄ ခုနှစ်အထိ (၁၄) နှစ်ကာလအတွင်း ၂၀၁၄ ခုနှစ်တွင် မိုးရေချိန်အနည်းဆုံး ၁၃.၁၇ လက်မသာ ရွာသွန်းခဲ့ပါကြောင်း၊ ချောက်မြို့နယ်တွင် ကျေးရွာ ၂၃၀ ရှိပြီး မွေးမြူရေး၊ ရေလုပ်ငန်းနှင့် ကျေးလက်ဒေသ ဖွံ့ဖြိုးရေးဝန်ကြီးဌာန၊ ကျေးလက်ဒေသတိုးတက်ရေးဦးစီးဌာနက ခန့်မှန်းထားသည်မှာ ယခုနှစ်တွင် ကျေးရွာပေါင်း ၄၃ ရွာခန့် ရေအခက်အခဲ ရှိနိုင်သည်ဟု သိရှိရပါကြောင်း၊ အဆိုပါ ကျေးရွာ ၄၃ ရွာအနက် ရွာပေါင်း ၁၁ ရွာကိုသာ ရေအခက်အခဲ ဖြေရှင်းပေးရန်အတွက် ခွင့်ပြုဘဏ္ဍာငွေ ၁၀၈ သိန်း တောင်းခံထားသည်ကိုလည်း တွေရရှိရပါကြောင်း၊ ချောက်မြို့နယ်အတွင်းရှိ ကျေးရွာပေါင်း ၂၃၀ ရွာတွင် ၄၃ ရွာ ရေအခက်အခဲရှိသည့်အနက် ၁၁ ရွာကိုသာ ဖြေရှင်းပေမည်ဖြစ်သည့်အတွက် ကျန်ရှိသောရွာများတွင် ရာသီဥတုပြောင်းလဲမှုကြောင့် မိုးရွာသွန်းမှုနည်းပါးပြီး သောက်သုံးရေအခက်အခဲ ရင်ဆိုင်နေရပါကြောင်း၊ ထို့ကြောင့် နိုင်ငံတော်အစိုးရက သောက်သုံးရေရှားပါးမှုအခက်အခဲများကို ရင်ဆိုင်ဖြေရှင်းရန်အတွက် လုံလောက်သော အစီအမံများ ချမှတ်ဆောင်ရွက်နိုင်ခြင်းရှိ/မရှိနှင့် ဆောင်ရွက်ပေးမည်ဆိုပါက ယင်းအစီအမံများကို ပြည်သူများသိရှိစေရေး ဆောင်ရွက်ပေးနိုင်ခြင်း ရှိ/မရှိ သိရှိလိုကြောင်း မေးမြန်းပါသည်။