အသည်းရောင်အသားဝါ C ပိုးရောဂါသည် Silent Epidemic လူမသိသူမသိပြန့်သွားပြီး ဒုက္ခပေးသည့် ရောဂါဟု အသည်းဖက်ဆိုင်ရာ ဆရာဝန်ကြီးများကဆိုပါကြောင်း၊ ကမ္ဘာပေါ်တွင် C ပိုးရှိသူ သန်း ၁၇၀ ကျော်ရှိသည်ဟုလည်း WHO အဖွဲ့အစည်းက သတ်မှတ်ပါကြောင်း၊ ကုရခက်၍ ကုသစရိတ်ဈေးကြီးပြီး ကာကွယ်ဆေးမရှိခြင်းကြောင့် ကမ္ဘာ့ပြဿနာလည်း ဖြစ်နေပါကြောင်း၊ သို့သော် စမ်းသပ်မှုအသစ်များ၊ ကုထုံးအသစ်များ ပေါ်ပေါက်နေပါသဖြင့် မျှော်လင့်ချက် မကုန်ဆုံးပါကြောင်း၊ WHO က ကူညီထောက်ပံ့သော ကုထုံးအသစ်၊ ဆေးအသစ်များကို အိန္ဒိယနိုင်ငံ၊ ပါကစ္စတန်နိုင်ငံများတွင် အသုံးပြုနေပြီဟု ကြားသိရပါသဖြင့် မြန်မာနိုင်ငံတွင် C ပိုးရောဂါကုသရန် စီမံချက်ရှိ/မရှိနှင့် ရှိပါက မည်သည့်အချိန်တွင် စတင်ဆောင်ရွက်ပေးမည်ကို သိရှိလိုကြောင်း မေးမြန်းပါသည်။