(ခ)-ဝေါမြို့ စည်ပင်သာယာရေးအဖွဲ့ပိုင်ဈေးနေရာ သတ်မှတ်ထားသည့်ဈေးဝင်ပေါက်၊ထွက်ပေါက်နေရာ တွင်ဂရန်မြေကွက် ရယူခဲ့ခြင်းနှင့် ပတ်သက်၍ဈေး လမ်းမြေကို မူလသတ်မှတ်ချက်အတိုင်း ဝင်ပေါက်၊ ထွက်ပေါက်အဖြစ်ပြန်လည်သတ်မှတ်ပေးနိုင်ခြင်း ရှိ/မရှိနှင့်စပ် လျဉ်းသည့် မေးခွန်း
ပဲခူးတိုင်းဒေသကြီး၊ ဝေါမြို့နယ်အရှေ့ဘက်ကမ်း ကွင်းအမှတ် ၁၀၀ S ဦးပိုင်အမှတ် ၂၂/ဂရမ်ဧရိယာ ၃.၄၄ ဧကရှိသည့် မြေနေရာကို ဈေးနေရာအဖြစ် ၄-၇-၁၉၈၉ ခုနှစ်၊ တိုင်းမှ လန ၃၈ ဖြင့် အနှစ် ၃၀ မြေငှားဂရမ် ၂၀၀၀ ခုနှစ်မှ ၂၀၃၀ အထိရရှိခဲ့ပါကြောင်း၊ သို့သော်လည်း မူလစီမံကိန်းရေးဆွဲထားသော ဈေး အဓိကဝင်ပေါက်/ ထွက်ပေါက်ဖြစ် ရန်ကုန်-မော်လမြိုင် မော်တော်ကားကြီး၏ လမ်းမဘေးရှိ နေရာကို မြို့နယ်အုပ်ချုပ်ရေးမှူး အဟောင်းမှ မြေကွက်အမှတ် ၆ ဟု သတ်မှတ်ပြီး လုပ်ထုံးလုပ်နည်းနှင့် ညီအောင်နည်းလမ်းမျိုးစုံဆောင်ရွက်ပြီး မိမိ၏နီးအနေဖြင့် ဂရန်ရအောင် ဆောင်ရွက်ခဲ့ကြောင်းသိရပါသည်။ ယခုလို အဖြစ်မျိုးမဖြစ်ရန် ယူဆပါသဖြင့် ဒီဂရန်မြေကိုရယူခဲ့သည့် တစ်ဈေးလုံးမြေကို မူလ သတ်မှတ်ထားသည့်အတိုင်း ဝင်ပေါက်/ ထွက်ပေါက်အဖြစ် ပြန် လည်သတ်မှတ်ပေးနိုင်ခြင်း ရှိ/မရှိနှင့် သတ်မှတ်ပေးမည်ဆိုပါက မည်သည့် အချိန်ကာလတွင် ဆောင်ရွက်ပေးမည်ကို သိရှိလိုပါကြောင်း မေးမြန်းပါသည်။