တနင်္သာရီတိုင်းဒေသကြီး ကော့သောင်းမြို့တွင် လက်ရှိဆောက်လုပ်ပြီး ၈ မဂ္ဂါဝပ် ကျောက်မီးသွေး ဓာတ်အားပေး စက်ရုံတည်ဆောက်ရန် (MOU)ထိုးထားပြီးနှင့် ဆောက်လုပ်ဆဲ နှင့် ဆောက်လုပ်ပြီး စက်ရုံများရှိနေပြီဖြစ် ပါကြောင်း။  ကော့သောင်းမြို့၏ ၈ မဂ္ဂါဝပ်စက်ရုံ၏ ပတ်ဝန်းကျင်တွင် နေထိုင်သူ ပြည်သူတို့မှာ စက်ရုံ၏ဘေးထွက် ဆိုးကျိုးများကို စတင်ခံစားနေရပြီ ဖြစ်ကြောင်း၊ စက်ရုံမှ ဆောက်လုပ်ဆဲ မြိတ်မြို့တစ်ဖက်ကမ်း ဓာတ်အားပေးစက်ရုံမှ တစ်ဖက်နိုင်ငံမှ သွင်းယူလာသည့် စက်ပစ္စည်း အဟောင်းများ နှစ်ကြိမ်တိုင်တိုင် တပ်ဆင်ရာတွင် မအောင်မြင်ဘဲရှိနေသည့်အပြင် အ.မ.က ကျောင်း နှင့်လည်း ခြံစည်းရိုးတစ်ခုသာ ကွာခြားသည့်အတွက်  ပြည်သူ့ ၁၃၆၆ ဦးနှင့် မွှေရှောင် ကျေးရွာစီမံကိန်းကို ပြည်သူ ၃၇၄၀ဦးကျော်တို့မှ နိုင်ငံတော်သမ္မတထံ အသနားခံ တင်ပြထားသည်‌့ စီမံကိန်းဖြစ်ပြီး ကျေးရွာပေါင်း ၂၅ ရွာ အိမ်ထောင်စု ၁၂၀၀၊ မြေဧရိယာ ၁၀၀၀၀ ဧကအတွင်းတွင် ဘေးထွက်ဆိုးကျိုးများကို သက်ရောက်စေမည်ဖြစ်ပါကြောင်း၊

အဆိုပါ စီမံကိန်းများသည် စွမ်းအင်မူဝါဒ ၉/၈ ဖြင့် ကိုက်ညီမှုမရှိသည်‌့အပြင် ၂၀၃၀ ခုနှစ်ထိ လျှပ်စစ် စွမ်းအားကို ၁၁၀ မဂ္ဂါဝပ်ကျော်သာ သုံးစွဲရန် လိုအပ်သည့် တနင်္သာရီတိုင်းဒေသကြီး၏ လိုအပ်ချက်မဟုတ်ဘဲ ပြည်ပသို့ တင်ပို့ရောင်းချရန် အကောင်အထည်ဖော်ဆောင်ရွက်နေသည့် သက်ဆိုင်ရာဝန်ကြီးဌာန၏ လုပ်ဆောင်ချက်များသာဖြစ်ပါကြောင်း၊ ထို့ကြောင့် များပြားလှသည့် စက်ရုံစီမံကိန်း၏ ဘေးထွက်ဆိုးကျိုး များကို ဒေသခံများကသာ တွေ့ကြုံခံစားရမည်ကို စိုးရိမ် ပူပန်နေကြရပါကြောင်း၊

၎င်းစက်ရုံစီမံကိန်းကို လျှပ်စစ်စွမ်းအားဝန်ကြီးဌာန မြန်မာ ကုမ္ပဏီများဖြစ်သော ဗင်းတေ့ရှ်နှင့် ကျော်ကျော်ဖြိုးကုမ္ပဏီနှင့် Thai မှ Development Ratchbun Electricity Generating Holding of Blue Energy and Enviroment ကုမ္ပဏီမှ ပူးပေါင်းဆောင်ရွက်ကြပြီး တစ်ယူနစ် ၂၇၀ိ/နှုန်းဖြင့် ဒေသခံတို့အား မျှဝေသုံးစွဲစေမည်ဖြစ်သည်ကို သိရှိရပါကြောင်း၊  ၁၆-၂-၂၀၁၅ ပြည်သူ့ လွှတ်တော်တွင် လျှပ်စစ်စွမ်းအား ဒုတိယဝန်ကြီး၏ ပြောကြားချက်အရ ၂၀၁၅-၂၀၁၆တွင် မဟာ ဓာတ်အားလိုင်းများချိတ်ဆက် ပေးနိုင်ရန် စီစဉ်ဆောင်ရွက်ထားပြီးဖြစ်ကြောင်း ဖြေကြားချက် များအရ ပုဂ္ဂလိကနှင့် နိုင်ငံခြားတို့၏အကျိုးစီးပွားအတွက် ရည်ရွယ်သည့် ကျောက်မီး သွေး ဓာတ်အားသုံးစက်ရုံ တည်ဆောက်ရေးစီမံကိန်းများကို ဖျက်သိမ်းပေးရန် အစီအစဉ်ရှိ/မရှိ သိရှိလိုပါကြောင်းမေးမြန်းပါသည်။