(က)-လွိုင်လင်မြို့နယ်ရှိနောင်ဟိုင်းရွာအဝင်သစ်သား တံတားသည် အန္တရာယ်ရှိနေပါ၍ သင့်လျော်သည့် တံတားတစ်စင်းတည်ဆောက်ပေးရန်နှင့်နောင်မတ် မီးရွာအတွက် စိမ့်စမ်းရေသွယ်ယူခြင်းကိုမည်သည့် အချိန်တွင် ဆောင်ရွက် ပေးမည်ကိုသိ လိုခြင်းနှင့် စပ်လျဉ်းသည့်မေးခွန်း
လွိုင်လင်မြို့နယ်၊ ပင်လုံဒေသ၊ ပန်မုန့်ကျေးရွာအုပ်စုရှိ နောင်ဟိုင်းရွာအဝင်တံတား (ဦးပူရလေး တံတား) သည် လွန်ခဲ့သည့် နှစ်ပေါင်း ၆၀ ခန့်က တည်ဆောက်ခဲ့သော တံတားဖြစ်ပြီး ယခုအချိန်တွင် ရာသီဥတုဒဏ်ကြောင့် ပြိုကျပျက်စီးနိုင်သော၊ ဆွေးမြည့်ပျက်စီးနေသော အခြေအနေများကို တွေ့ရှိခဲ့ရပြီး ဒေသခံတိုင်းရင်းသား ရပ်မိရပ်ဖများက ပြင်ဆင်ပေးရန် အကြံပြုလာကြပါကြောင်း၊ သစ်သားတံတားကြီးသည် ရာသီဥတုဒဏ်ကြောင့် လည်းကောင်း၊ ခရီးသွား မော်တော်ယာဉ်များ၏ ဖြတ်သန်းသွားလာမှုကြောင့်လည်းကောင်း အချိန်မရွေး ပြိုကျပျက်စီးမည့် အန္တရာယ်ရှိနေပါ၍ ၎င်းသစ်သားတံတားကြီးနေရာတွင် သင့်လျော်သည့် တံတားတစ်စင်း တည်ဆောက်ပေးပါရန်နှင့် လွိုင်လင်မြို့နယ်၊ နောင်လှိုင်အရှေ့ကျေးရွာအုပ်စုရှိ နောင်မတ်မီးရွာ သောက်သုံးရေရရှိရေးအတွက် စိမ့်စမ်းရေသွယ်ယူခြင်း ၃ မိုင်ခန့် အကွာအဝေး နေရာမှ ရေသွယ်ယူခြင်းကို မည်သည့်အချိန်တွင် ဆောင်ရွက်ပေးမည်ကို သိရှိလိုကြောင်း မေးမြန်းပါသည်။