(ဃ)-ရှမ်းပြည်နယ် (တောင်ပိုင်း)၊ မိုးနဲ မြို့နယ်၊ ကျိုင်းတောင်မြို့တွင် ဆက်သွယ်ရေး မိုဘိုင်းဖုန်း အမြန်ဆုံးတပ်ဆင်ပေးရန်နှင့်စပ်လျဉ်းသည့်မေးခွန်း
2020-12-20
ဆက်သွယ်ရေးတာဝါတိုင်စိုက်ထူထားသည်မှာ ကြာပြီဖြစ်သော်လည်း ရှမ်းပြည်နယ်(တောင်ပိုင်း)၊ မိုးနဲမြို့နယ်၊ ကျိုင်းတောင်းမြို့၌ ယနေ့အထိ ဆက်သွယ်ရေးမိုဘိုင်းဖုန်း အသုံးပြုခွင့် မရရှိသေးပါကြောင်း၊ ဆက်သွယ်ရေးနှင့် သတင်းအချက်အလက် နည်းပညာဌာန ဒုတိယဝန်ကြီးနှင့် တွေ့စဉ်က နိုင်ဝင်ဘာ၊ ဒီဇင်ဘာလတွင် ရမည်ဟု မိမိအား ပြောပြထားပြီးဖြစ်သော်လည်း ဒေသခံပြည်သူများ၏ လိုအင်ဆန္ဒအရ လွှတ်တော်သို့ ထပ်မံတင်ပြ ခြင်းဖြစ်ပါကြောင်း၊ သို့ဖြစ်ပါ၍ ဝေးလံခေါင်သီသော ကျိုင်းတောင်းမြို့တွင် မိုဘိုင်းဖုန်းဆက်သွယ် အသုံးပြုနိုင်ရေး အခြေအနေနှင့် အစီအစဉ်များကို သိရှိလိုကြောင်း မေးမြန်းပါသည်။