(ဂ)-မိုးမောက်မြို့နယ်၊ နောင်ကွမ် ကျေးရွာအုပ်စု ရှိတောင်သူ(၁၂)ဦး၏လယ်ဧက (၆၇) ဧကခန့်ကို အမှတ်(၃၇၀)အမြှောက်တပ်ရင်းမှသိမ်းယူထားရာ ပိုလျှံလယ်မြေ၊မြေလွတ်၊မြေလပ်၊မြေရိုင်းများအားပြန် လည်လွှဲအပ်ပေးရန်အစီအစဉ်ရှိ၊မရှိ နှင့်စပ်လျဉ်း သည့်မေးခွန်း
၁၉၉၅ ခုနှစ်တွင် ကချင်ပြည်နယ်၊ မိုးမောက်မြို့နယ် နောင်ကွမ်ကျေးရွာအုပ်စုရှိ ကွင်းအမှတ် (၁၄၀)ဧရိယာတွင် အမှတ်(၄၃၈) ခြေလျင်တပ်ရင်းက မြေလွတ်၊ မြေလပ်၊ မြေရိုင်းဆို၍ သိမ်းဆည်းခဲ့ရာတွင် နောင်မွန်ကျေး ရွာနေ တောင်သူ ၁၂ ဦး၏ လယ်ဧက ၆၇ ဧကခန့် သိမ်းဆည်းခံခဲ့ရပါကြောင်း၊ အဆိုပါမြေများသည် ယခင်ဘိုးဘွားလက်ထက်ကတည်းက လုပ်ကိုင်ခဲ့သည့် သက်သေခံလယ်မြေ ပြေစာများရှိပါကြောင်း၊ ၎င်းမြေ များအား မိုးမောက်မြို့နယ် မြေစာရင်း ဌာနမှတာဝန်ရှိစစ်ဆေးတွေ့ရှိချက် အရ ယခုအမှတ် (၃၇၀) အမြှောက်တပ်ရင်းသည် သိမ်းဆည်း ထားသော လယ်ဧရိယာသည် ၆၁၇ ဧကရှိသည့်အတွက် အခြားတပ်ရင်းများထက် ပိုမိုသိမ်းဆည်းထားသည်ကို တွေ့ရှိရပြီး နောင်မွန် ကျေးရွာအုပ်စု လူနေအိမ်များနှင့် ပေ ၅၀ ခန့်သာအကွာသာရှိပါကြောင်း။
သို့ဖြစ်ပါ၍ ယခုအမှတ်(၃၇၀)အမြှောက်တပ်ရင်းမှ သိမ်းယူထားသော ပိုလျှံလယ်မြေ မြေလွတ်၊ မြေလပ်၊ မြေရိုင်း များအား သက်ဆိုင်သည့် နောင်ကွမ်ကျေးရွာမှ တောင်သူလယ်သမားများ အား ပြန်လည် လွှဲအပ်ပေးရန် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။