ညောင်ဦးမြို့နယ် မြေနှဲလေးကျေးရွာမှ ဦးကျောက်ခဲပါ ငါးဦးပိုင် ကွင်းအမှတ်(၁၄၄၁) ဧက ၂၀ ကျော်ရှိ မြေယာများကို လေယာဉ်ကွင်း မြောက်ဘက်သို့ တိုးချဲ့ရန် သိမ်းယူခဲ့ပါကြောင်း၊ သို့ရာတွင် ပုဂံရှေးဟောင်း သုတေသနဌာနခွဲမှ ကျောက်ဂူမင်းသကျမုဘုရား၊ ကုန်းတော်ကြီးဘုရားစသော ဘုရားပေါင်း ၁၄ ဆူတွင် နိုင်ငံဆေးရေး ပန်းချီများရှိသဖြင့် လေယာဉ်ပျံများ ပျံသန်းလျှင်ကွာကျနိုင်သည်ဟု ကန့်ကွက်ခဲ့သဖြင့် လေယာဉ်ကွင်းကို တောင်ဘက်သို့ တိုးချဲ့ရန် အကြံပြုခဲ့ပါကြောင်း၊ တောင်ဘက်သို့ တိုးချဲ့ပြီးစီးသွားပြီဖြစ်လို့ မြောက်ဘက်ကို တိုးချဲ့ရန်အစီအစဉ်မရှိတော့ပါကြောင်း၊ ယခုအခါ အဆိုပါ ဦးကျောက်ခဲပါ (၅)ဦးမှ ယာလုပ်ပိုင်ခွင့်(ပုံစံ-၇) များကို သက်ဆိုင်ရာများသို့ တောင်းခံသော်လည်း မရရှိကြသဖြင့် ယာလုပ်ပိုင်ခွင့်(ပုံစံ-၇) အား ထုတ်ပေးနိုင်ခြင်းရှိ/မရှိနှင့် ထုတ်ပေးနိုင်ခြင်းမရှိပါက မည်သည့်အကြောင်းကြောင့် ထုတ်မပေးနိုင်သည်ကို သိရှိလိုပါကြောင်း မေးမြန်းပါသည်။