(စ)-ကျေးသီးမြို့နယ်ရှိကျေးရွာများအားကျေးရွာအုပ်စု အဖြစ်မည်သို့သောအစီအစဉ်ဖြင့်ဆောင်ရွက်ပေးနေ သည်ကိုသိလိုခြင်း၊၂၀၁၅ခုနှစ်အိမ်ထောင်စုဇယား ထုတ်ပေးရန်နှင့် နိုင်ငံသား စိစစ်ရေး မှတ်ပုံတင် ကတ်ပြား ပြုလုပ်ပေးရန် အစီအစဉ် ရှိ/မရှိ နှင့် စပ်လျဉ်းသည့် မေးခွန်း
ကျေးသီးမြို့နယ်ရှိ နောင်ကား၊ နားလွယ်၊ နားဟမ်း၊ ကုန်းပက်၊ နားကျိုင်း ကျေးရွာများအား သီးခြားရပ်ကွက် သို့မဟုတ် ကျေးရွာအုပ်စုအဖြစ် မည်သို့သော အစီအစဉ်ဖြင့် ဆောင်ရွက်ပေးနေသည်ကို သိလိုခြင်း၊ ၂၀၁၅ ခုနှစ် ရွေးကောက်ပွဲ မတိုင်မီကာလအတွင်း အိမ်ထောင်စုဇယား ထုတ်ပေးရန်နှင့် နိုင်ငံသားစိစစ်ရေး မှတ်ပုံတင်ကတ်ပြား ပြုလုပ်ပေးရန်အစီအစဉ် ရှိ/မရှိ နှင့်စပ်လျဉ်း သည့် မေးခွန်း
ရှမ်းပြည်နယ် လွိုင်လင်ခရိုင်၊ ကျေးသီးမြို့နယ်ရှိ နောင်ကားကျေးရွာ၊ နားလွယ်ကျေးရွာ၊ ကုန်းပက်ကျေးရွာ၊ နားဟမ်းကျေးရွာနှင့် နားကျိုင်းကျေးရွာစသည့် ကျေးရွာများသည် ယခင် ၁၉၇၄ ရှေ့ပိုင်းတွင် ကျေးသီးမြို့ ဟိုပုန်းရပ်ကွက်အတွင်း ပါဝင်ဖွဲ့စည်းထားပြီး ၁၉၇၄ နောက်ပိုင်းတွင် အဆိုပါကျေးရွာများသည် ကွမ်ဟွေးကျေးရွာအုပ်စု၏အောက်သို့ ထည့်သွင်းဖွဲ့စည်းကာ ၂၀၁၀ ခုနှစ်အထိ ဖြစ်ပါကြောင်း၊ ယခု ၂၀၁၁ နောက်ပိုင်းတွင် မည်သည့်ရပ်ကွက်၊ မည်သည့်ကျေးရွာ အုပ်စုအတွင်းပါဝင် ဖွဲ့စည်းပေးထားခြင်း မရှိပါသဖြင့် အိမ်ထောင်စုဇယားထုတ်ပေးခြင်းများ၊ နိုင်ငံတော်စိစစ်ရေး မှတ်ပုံတင်ကတ် ပြုလုပ်ပေးခြင်းများနှင့် ရပ်ကွက်ကျေးရွာအုပ်စု အုပ်ချုပ်ရေးမှူးများ၏ ချီးမြှင့်ငွေနှင့်အသုံးစရိတ်များ စသည့်ရရှိသင့်သော အခွင့်အရေးအသီးသီးများ နစ်နာဆုံးရှုံးလျက်ရှိပါကြောင်း ထို့ကြောင့် အဆိုပါကျေးရွာများအား သီးခြားရပ်ကွက်၊ သီးခြားကျေးရွာအုပ်စုအဖြစ်သို့ အဖွဲ့ပြန်လည်ဖွဲ့စည်းနိုင်ရေး ရရှိသင့်သော အခွင့်အရေးအသီးသီးများ နစ်နာဆုံးရှုံးမှုမရှိစေရေးအတွက် ကျေးသီးမြို့နယ် အထွေထွေအုပ်ချုပ်ရေးဦးစီးဌာနသို့ လိုအပ်သော အထောက်အထားပြည့်စုံစွာဖြင့် တင်ပြထားပြီးဖြစ်သော်လည်း ကြန့်ကြာမှုများ ရှိနေပါကြောင်း၊ ကျေးသီမြို့နယ်ရှိ နောင်ကား၊ နားလွယ်၊ နားဟမ်း၊ ကုန်းပက်၊ နားကျိုင်း ကျေးရွာများအား သီးခြားရပ်ကွက် သိုမဟုတ် ကျေးရွာအုပ်စု အဖြစ် မည်ကဲ့သို့ စီစစ်ဆောင်ရွက်ပေးနေသည်ကို သိရှိလိုပါကြောင်းနှင့် ၂၀၁၅ ခုနှစ် ရွေးကောက်ပွဲ မတိုင်မီကာလအတွင်း အိမ်ထောင်စုဇယား ထုတ်ပေးခြင်းနှင့် နိုင်ငံသားစိစစ်ရေးမှတ်ပုံတင် ကတ်ပြားပြုလုပ်ပေးခြင်းများ အစီအစဉ်ဆောင်ရွက်ပေးနိုင်ရန် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။