မိမိတို့အနေဖြင့် သဘာဝဘေးအန္တရာယ်ဆိုသည်ကို ခန့်မှန်း၍ မရသော်လည်း မူးယစ်ဆေးဝါး၏အန္တရာယ်ကို ခန့်မှန်းနိုင်ပါကြောင်း၊ မူးယစ်ဆေးဝါးများ၊ စိတ်ကြွဆေးများ အလုံးအရင်းနှင့်ဝင်ရောက် နေမည်ဆိုပါက နိုင်ငံ၏ အနာဂတ်အသီးအပွင့်ဖြစ်သည့် ရတနာများ ဆုံးရှုံးသွားမည်ဖြစ်ပါကြောင်း၊ ထို့ကြောင့် မိမိတို့၏အနာဂတ်ကို ပိုင်စိုးမည့်မျိုးကောင်းမျိုးသန့်များကို မလိုလားအပ်သည့် မူးယစ်ဆေးဝါးနှင့် စိတ်ကြွဆေးများကြောင့် အနာဂတ်ရတနာများ ပျက်သုဉ်းမည်ကို မိမိအနေဖြင့် စိုးရိမ်မိသည့်အတွက် အောက်ပါမေးခွန်းများကို မေးမြန်းလိုပါကြောင်း၊ ကလေးခရိုင်၊ ကလေးမြို့နယ် ဒိုးနွယ်ကျေးရွာဆရာတော်ဦးစီး၍ ဖွင့်လှစ်သော မူးယစ်ဆေးစွဲသူများ ဆေး ကုသ ဖြတ်သည့်ဆေး ခန်းများကဲ့သို့ မိမိ၏မြို့နယ် ကလေးဝမြို့နယ်နှင့် မြို့နယ်အတွင်းမူးယစ်ဆေးစွဲသူများ ဆေးကုသ ဖြတ်သည့်ဆေးခန်းများဖွင့်လှစ်ပေးရန်၊ ဖွင့်လှစ်ပေးမည်ဆိုပါက ကျွမ်းကျင် သူများ၊ ဆေးဝါး အပြည့်အစုံနှင့် အဝေးမှ လာရောက်ကုသသူများ စားစရိတ်လုံလောက်မှုအတိုင်းအတာ ယခုအထိ ကူညီပံ့ပိုးပေးရန်၊ ဖွင့်လှစ်ပေးမည့်ဆေးခန်း၊ ဆေးရုံများကို မြို့နယ်တိုင်းရှိကျေးရွာများအရောက် ဖွင့်လှစ်ရန် အစီအစဉ်ရှိ/မရှိကို သိရှိလို ပါကြောင်း မေးမြန်းပါသည်။