(ဂ)-မချမ်းဘောမြို့နယ်ရှိ မချမ်းဘော၊ နမ်ခမ်း ၊ကောင်းမှုလုံကားလမ်းပေါ်ရှိနမ်ဘတ်ချောင်း နှင့် နမ်စ ဘွမ်ချောင်း များ၌ အမာခံကွန်ကရစ်တံတား သို့မဟုတ် ဘေလီတံတား တည်ဆောက်ရန်အစီ အစဉ်ရှိ၊ မရှိ နှင့်စပ်လျဉ်းသည့် မေးခွန်း
ကချင်ပြည်နယ်၊ မချမ်းဘော မြို့နယ်တွင် မချမ်းဘော-နောင်ခိုင်-မလိခ မြစ်ကူးတံတား တည်ဆောက်ခြင်း၊ မချမ်းဘော-နောင်မွန် ကားလမ်း တိုးချဲ့ဖောက်လုပ်ခြင်း၊ မချမ်းဘော-နမ်ခမ်း-ကောင်းမှုလုံ လမ်း ကတ္တရာခင်းခြင်း နှင့် သစ်သားတံတား မှ အမာခံ ကွန်ကရစ် ဘေလီတံတားများ အဆင့်မြှင့် တည်ဆောက်ခြင်း တို့ကြောင့် မြို့နယ်လမ်းပန်း ဆက်သွယ်ရေး ပိုမို အဆင်ပြေ ချောမွေ့လာသည်ကို တွေ့ရှိရမည် ဖြစ်ပါကြောင်း၊ သို့သော်လည်း မချမ်းဘော-နမ်ခမ်း-ကောင်းမှုလုံ ကားလမ်းပေါ်ရှိ နမ်ဘတ်ချောင်း နှင့် နမ်ဆဘွမ်ချောင်းများ၌ တံတားနှစ်စင်းမှာ အမာခံ တည်ဆောက်ခြင်း မရှိသေး၍ ပြည်သူများ သွားလာရေး အခက်အခဲနှင့် ရင်ဆိုင်ကြုံတွေ့ နေရပါကြောင်း၊ အထူးသဖြင့် မိုးတွင်း ရေကြီးချိန်တွင် မော်တော်ကား၊ ဆိုင်ကယ်နှင့် လူဖြတ်ကူးရန် အခက်အခဲ ရှိနေသောကြောင့် ၎င်းနေရာများတွင် အမာခံ ကွန်ကရစ်တံတား သို့မဟုတ် ဘေလီတံတား ဆောက်လုပ်ရန် အစီအစဉ် ရှိ/မရှိ၊ အစီအစဉ် ရှိပါက မည်သည့် ဘဏ္ဍာရေးနှစ်တွင် ဆောက်လုပ် ပေးနိုင်မည်ကို သိရှိလိုပါကြောင်း မေးမြန်းပါသည်။