မိမိအနေဖြင့် ငွေလုံး ငွေရင်းဖြင့် ဆောင်ရွက်ရမည်‌့ ပြည်ထောင်စုဝန်ကြီးဌာနများ၊ တိုင်းဒေသကြီးနှင့် ပြည်နယ်ဝန်ကြီးဌာနမှ တာဝန်ယူဆောင်ရွက်မည်‌့ ဒေသဖွံ့ဖြိုးရေးလုပ်ငန်းများ၊ ပညာရေး၊ ကျန်းမာရေး၊ လမ်းပန်းဆက်သွယ်ရေး၊ ရေရရှိရေးနှင့် လူမှုရေးလုပ်ငန်းများနှင့်ပတ်သက်၍ ရန်ပုံငွေများ မှန်ကန်စွာ သုံးစွဲရေးနှင့် အချိန်မီ ပြီးစီးရေးတို့အတွက်လည်းကောင်း၊ လွှတ်တော်ကိုယ်စားလှယ်များ၏ ဒေသအသီးသီးရှိ လုပ်ငန်းဆောင်ရွက်ရာတွင် ထင်သာမြင်သာမှုရှိစေရန် လုပ်ငန်းများအား စံချိန်စံညွှန်းနှင့်အညီ ပြီးစီးစေရန်တို့ အတွက်လည်းကောင်း မိမိအနေဖြင့်အောက်ပါမေးခွန်းများကိုမေးမြန်းလိုပါကြောင်း၊  (က) သက်ဆိုင်ရာ ပြည်ထောင်စုဝန်ကြီးဌာနအသီးသီးမှ လုပ်ငန်းများအား တိုင်းဒေ သကြီးနှင့်ပြည်နယ် အစိုးရသို့ နိုင်ငံတော် သမ္မတကြီးမှမူချမှတ်ထားသည့်အတိုင်း အချိန်မီ ဘဏ္ဍာရန်ပုံငွေအသုံးစရိတ်အပါအဝင် လွှဲပြောင်းပေးနိုင်ခြင်း ရှိ/မရှိ၊ လွှဲပြောင်းပေးရန် နောက်ဆုံးအချိန်ကန့်သတ်ထားရှိမှု ရှိ/မရှိနှင့် မရှိပါက မည်သည်‌့အတွက်ကြောင့်ဖြစ်သည်ကိုလည်းကောင်း၊ (ခ)ပြည်ထောင်စုဝန်ကြီးဌာနများ၊ တိုင်းဒေသကြီး များနှင့် ပြည်နယ် အစိုးရများမှ လုပ်ငန်းများနှင့် ပတ်သက်၍ အချိန်မီ တင်ဒါခေါ်ယူရန် အစီအစဉ်ရှိ/မရှိ၊ April၊ May၊ June သုံးလအတွင်း တင်ဒါများခေါ်ယူ၍ လုပ်ငန်းများဆောင်ရွက်ရန် တာဝန်ပေးအပ်နိုင်ခြင်း ရှိ/မရှိ၊ လုပ်ငန်းများ ဆောင်ရွက်ရာတွင် ပွင့်လင်းမြင်သာမှုရှိစေရန် လုပ်ငန်း စံချိန်စံညွှန်း ကုန်ကျစရိတ်များကို ပြည်သူများ သိရှိလိုပါက အသိပေးနိုင်ရန် မြို့နယ် အသီးသီးတွင်ရှိသော အုပ်ချုပ်ရေးမှူး၊ စည်ပင် ကျေးလက်တို့ပင် ပေးအပ်ထားခြင်းရှိ/မရှိနှင့် မရှိပါက မည်သည့်အတွက်ကြောင့်ဖြစ်သည်ကိုလည်းကောင်း၊  လုပ်ငန်းအချက် အလက်များကို သိရှိလိုပါက မေးမြန်းနိုင်မည့်နေရာ၊လူပုဂ္ဂိုလ်များကို သက်ဆိုင်ရာများမှ ပြည်သူများ သိရှိခွင့် ရရန် အမိန့်ညွှန်ကြားချက်များ ထုတ်ပြန်ပေးနိုင်ခြင်း ရှိ/မရှိ သိရှိလို ပါကြောင်းမေးမြန်းပါသည်။