(ဃ)-ယင်းမာပင်မြို့နယ်လက်ဝဲမြောင်းမကြီးဖောက် လုပ်ရာတွင်ပါဝင်ခဲ့သောလယ်ယာမြေများအတွက် ထိုက်သင့်သောနစ်နာကြေးများ ထုတ်ပေးရန်နှင့် လက်တံခွဲ၊လက်တံသွယ်နှင့် ရေယူမြောင်းများကို ၂၀၁၅-၁၆ဘဏ္ဍာနှစ်တွင်ဆောင်ရွက်ပေးရန်တို့နှင့် စပ်လျဉ်းသည့် မေးခွန်း
မြောက်ယမားဆည်မှ ယင်းမာပင်မြို့နယ်နှင့် ပုလဲမြို့နယ်တွင် တိုးချဲ့မြောင်းမကြီးများ ဖောက်လုပ်ခဲ့ပါကြောင်း၊ ယင်းမာပင်မြို့နယ်သည် လက်ဝဲမြောင်းဖြစ်ပြီး ပုလဲမြို့နယ်သည် လက်ယာမြောင်းဖြစ်ပါကြောင်း၊ ယင်းမာပင်မြို့နယ်၏ လက်ဝဲမြောင်း ဖောက်လုပ်ရာတွင် ပါဝင်သွားသည့် နစ်နာမှုရှိသော လယ်ယာမြေများအတွက် တောင်သူများက လက်ယာမြောင်းတွင် ရသကဲ့သို့ လက်ယာမြောင်းအတွက် ၂၀၁၅-၂၀၁၆ တွင် ထိုက်သင့်သော နစ်နာကြေးပေးလျှော်ရန် လျာထားသည်ကို သိရှိရပါကြောင်း၊ မိမိတို့ မြို့နယ်က တောင်သူများလည်း ပါဝင်သွားသည့်အတွက် လယ်ယာမြေများအတွက် နစ်နာကြေးများရရှိလိုပါကြောင်း၊ မြောင်းမကြီးပြီးစီးသွားသည်မှာ ၂ နှစ် ကျော်ပြီဖြစ်သော်လည်း အမှန်တကယ် ရေသောက်နိုင်ရန်အတွက် လက်တံခွဲ၊ လက်တံသွယ် ရေယူမြောင်းများ ယနေ့အထိ ဆောင်ရွက်ခြင်းမရှိပါကြောင်း၊ လာမည် ၂၀၁၅-၂၀၁၆ ဘတ်ဂျက်တွင်လည်း ထည့်သွင်းရာထားခြင်းများ မရှိပါကြောင်း၊ ထို့ကြောင့် စစ်ကိုင်းတိုင်းဒေသကြီး၊ မြောက်ယမားဆည်၏ ယင်းမာပင်မြို့နယ် လက်ဝဲမြောင်းမကြီး ဖောက်လုပ်ရာတွင် ပါဝင်နစ်နာမှုရှိခဲ့သော လယ်ယာမြေများအတွက် သက်ဆိုင်ရာဌာနမှ တောင်သူများအား ထိုက်သင့်သော နစ်နာကြေးများကို လက်ယာမြောက်နည်းတူ မည်သည့်ကာလတွင် ထုတ်ပေးသွားရန် စီစဉ်ဆောင်ရွက်ထားရှိပြီး မြောင်းမကြီးပြီးစီးနေသည်မှာ ၂ နှစ် ခန့်ကြာပြီဖြစ်သော်လည်း လယ်ယာမြေများ အမှန်တကယ် ရိတ်သွင်းစိုက်ပျိုးခြင်း ဆောင်ရွက်နိုင်ရန်အတွက် လက်တံခွဲ၊ လက်တံသွယ်နှင့် ရေယူမြောင်းများကို ၂၀၁၅-၂၀၁၆ ဆောင်ရွက်ပေးရန် အစီအစဉ်ရှိ/မရှိနှင့် မရှိပါက မည်သည့်ကာလတွင် အပြီးဆောင်ရွက်သွားမည်ကို သိရှိလိုကြောင်း မေးမြန်းပါသည်။