မိမိအနေဖြင့် မြန်မာနိုင်ငံ၏သယံဇာတများကို မူဝါဒအရထုတ်ယူသုံးစွဲမှု၊ သုံးစွဲပြီး ကျန်ရှိမှုနှင့် နောင်ထုတ်ယူသုံးစွဲနိုင်မည့် အရေအတွက်နှင့် ကာလ အား ပြည်သူူ များသို့ အသိပေးထုတ်ပြန်နိုင်မှု ရှိ/မရှိကို မေးမြန်း သွားမည်ဖြစ်ပြီး အဆိုပါမေးခွန်း တွင် သစ်တောကာလနှင့် ရှာဖွေသည့်ကာလဟူ၍ တင်ပြထားပါကြောင်း၊  သစ်တောကာလအနေနှင့် ကလေးဝမြို့နယ်တွင် မဟာမြိုင်ဟုခေါ်သော သစ်တောကြီး တည်ရှိပြီး တောရိုင်းတိရစ္ဆာန်များနှင့် သစ်ပင်ကြီး မြောက်များစွာ ရှိခဲ့သော်လည်း ယခုအခါ သစ်တောများကို ခုတ်ထွင်ကြသောကြောင့် သစ်တော များနှင့် ပတ်သက်၍  ထုတ်ယူမှုအနေအထားနှင့် အနာဂတ် အတွက် နောက်ပြန် လည်ဖြည့်ဆည်းမှု အပိုင်းကို ပြည်သူများ၏ ဆန္ဒဖြင့် အောက်ပါမေးခွန်း များကို မေးမြန်းလိုပါကြောင်း၊

(က) ကလေးဝမြို့နယ်နှင့် ဆက်စပ်သစ်တောကြိုးဝိုင်း အရေအတွက်နှင့် အမည်များ၊ (ခ) သစ်တောကြိုးဝိုင်း၏ ဧရိယာ အကျယ်အဝန်းများ၊ (ဂ) သစ်တောကြိုးဝိုင်းများရှိ သစ်အမျိုးအစားနှင့် အရွယ်အစားအလိုက် သစ်အရေအတွက်၊ (ဃ) သစ်တောကြိုးဝိုင်းမှ ထုတ်ယူပြီး သစ်အမျိုးအစား အရေအတွက်နှင့် ထုတ်ယူစဉ်ခဲ့က ကုမ္ပဏီများနှင့် ပုဂ္ဂိုလ်စာရင်းများ၊ (င) သစ်တောကြိုးဝိုင်းအလိုက် နှစ်စဉ်ထုတ်ယူရန် လျာ ထားမှု၊ ဖြည့်ဆည်းအစားထိုး စိုက်ပျိုးရန်လျာထားမှုနှင့် အမှန်စိုက်ပျိုးမှု အရေအတွက်၊ (စ) သစ်တောကြိုးဝိုင်း များတွင် နှစ်စဉ်ပုံမှန်ထုတ်လုပ်မှုနှင့် တပေါင်းတစည်းတည်း ထုတ်ယူမှုခွင့်ပြုချက် အရ နိုင်ငံတော်၏ ဝင်ငွေများ၊ (ဆ) သစ်တောကြိုးဝိုင်းတွင် ယခုကဲ့သို့ ထုတ်ယူရန် မည်သည့်နှစ်အထိ ထုတ်ယူခြင်းပြုနိုင်မည်နှင့် (ဇ) သစ်တောကြိုးဝိုင်းများတွင် ဖြည့်ဆည်းအစားထိုး စိုက်ပျိုးလျက်ရှိသည့် သစ်အမျိုးအစားနှင့် အရေအတွက်၊ ထုတ်လုပ် သုံးစွဲနိုင်မည့်နှစ်နှင့် အရေအတွက်တို့ကို သိရှိလိုကြောင်း၊ ကျောက်မီးသွေးကဏ္ဍတွင်လည်း ယခင်က ကျောက်မီးသွေးကို လျာထားချက်နှင့် ထုတ်ယူခဲ့ပြီး ထိုကဲ့သို့ထုတ်ယူရာတွင် Under Ground အနေဖြင့် ထုတ်ယူပါကြောင်း၊  ယခုအချိန်တွင် တစ်ချို့ကုမ္ပဏီများသည် မြေပြင်အပေါ်လွှာများလှန်ပြီး ထုတ်ယူနေသည့် အတွက် ကလေးဝမြို့နယ်၏ သဘာဝပတ်ဝန်းကျင်မှာ  အပူချိြန်မင့်တက်လာသည့်အပြင် စက်ကိရိယာကြီးများဖြင့် ထုတ်လုပ်ကြခြင်းကြောင့် နန်စီပွန်၊ နန့်မော် စသည့် ကျောက်တောင်ကြီးများလည်း ကုန်ခမ်းသွားသဖြင့် သဘာဝသယံဇာတ အရင်းအမြစ်များကို ယခုကဲ့သို့ ထုတ်လုပ်နေမည်ဆိုပါက နောင်အနာဂတ် မျိုးစက်သစ်များ၏ အခက်အခဲများကို စဉ်းစားသင့်ပါကြောင်း၊ ထို့ကြောင့် ကျောက်မီးသွေးထုတ်လုပ်မှု အများအပြားရှိနေသော ကလေးဝ၊ မော်လိုက်၊ မင်းကင်းနှင့် ကနီမြို့နယ်များမှ ဒေသခံများ၏ ဆန္ဒအရ အောက်ပါမေးခွန်းများမေးမြန်း လိုပါကြောင်း။ (က) ကလေးဝမြို့နယ်ရှိ ကျောက်မီးသွေးချော၏ လူမှုဗေဒ တွက်ချက်မှုအရ တည် ရှိနေသော ကျောက်မီးသွေးတန်ချိန်၊ (ခ) မူလတည်ရှိသော အရည်အတွက်၊ တူးဖော်ပြီးသော အရည်အတွက်နှင့် ကုမ္ပဏီများအလိုက်တူးဖော် ထုတ်ယူခဲ့သော အရည်အတွက်၊ (ဂ) ထိုထုတ်လုပ်မှု တန်ချိန်များ အရ ကျောက်မီးသွေး၏ ကျောက်မီးသွေးချော ထုတ်လုပ်ရန် မည်သည့်အချိန်အထိ ထုတ်လုပ်နိုင်ရန် တည်ရှိမှု အခြေအနေ၊ (ဃ) ကလေးဝ ကျောက်မီးသွေးတွင်းမှ ကုမ္ပဏီအလိုက် ထုတ်ယူလိုက်မှုအပေါ် နိုင်ငံတော်မှရရှိသည့် ဝင်ငွေများကို သိရှိလိုပါကြောင်း မေးမြန်းပါသည်။