(ခ)-ကျောက်ဖြူမြို့ရှိ GTI ကျောင်းဆောက်လုပ်ရန် လိုအပ်သည့်မြေနေရာ ရရှိရန်မည်သို့စီစဉ်ဆောင် ရွက်မည်နှင့်ဆောက်လုပ်ရန်ရန်ပုံငွေများကိုမည်ကဲ့ သို့စီမံခွင့်ပြုမည်နှင့် စပ်လျဉ်းသည့် မေးခွန်း
2020-12-21
ကျောက်ဖြူမြို့တွင် နိုင်ငံတော် သမ္မတက GTI ကျောင်းတစ်ကျောင်း ဖွင့်လှစ်ခွင့်ပြုထားသည်မှာ
(၂) နှစ်ရှိပြီး ဖြစ်သော်လည်း မြေနေရာအတည်တကျ မရရှိသေးပါကြောင်း၊ ထို့ကြောင့် နံပါတ်(၁) ရခိုင်ပြည်နယ်၊ ကျောက်ဖြူမြို့ရှိ GTI ကျောင်းဆောက်လုပ်ရန် လိုအပ်သည့် မြေနေရာရရှိအောင် ဆောင်ရွက်ရန် မည်သူ့တွင် တာဝန်ရှိသည်ကိုလည်းကောင်း၊ နံပါတ်(၂) ယခုအချိန်အထိ GTI ကျောင်းဆောက်ရန် မြေနေရာမရှိဘဲ မည်သည့်အတွက် ကြန့်ကြာနေသည်နှင့် မြေနေရာရရှိအောင် မည်သို့ စီစဉ်ဆောင်ရွက်နေသည်ကို လည်းကောင်း၊ နံပါတ်(၃) ကျောက်ဖြူမြို့ရှိ GTI ကျောင်းကို ဆောက်လုပ်ရန် ရန်ပုံငွေများကို မည်ကဲ့သို့ စီမံခွင့်ပြုပေးသည်ကိုလည်းကောင်း သိရှိလိုပါကြောင်း မေးမြန်းပါသည်။