မကြာခင်ဖွင့်လှစ်မည်ဖြစ်သည့်  မယ်စဲ့ကုန်သွယ်ရေးစခန်းတွင်  တစ်ဖက်နိုင်ငံနှင့် ကုန်သွယ်ရေး ဆောင်ရွက် သည့်နေရာများ၌ မိမိတို့ နိုင်ငံသားများအနေဖြင့် နစ်နာမှုများ မရှိစေရန်လိုအပ်ပါကြောင်းနှင့် မိမိတို့နိုင်ငံက ကုန်ပစ္စည်းများကို တစ်ဖက်နိုင်ငံအတွင်းသို့ တိုက်ရိုက်တင်သွင်း ရောင်းချပါက ဈေးနှိမ်ခြင်းနှင့် အခြားအခက်အခဲများ ကြုံတွေ့နိုင်ရပါကြောင်း၊ သို့ဖြစ်ပါ၍ မယ်စဲ့နယ်စပ်ကုန်သွယ်ရေး စခန်းနှင့်အနီးကပ်ဆုံးတည်ရှိသော ဖာဆောင်းမြို့နယ် သို့မဟုတ် အခြားသင့်တော်သည့်နေရာတွင် ကုန်သွယ်ရေးဇုန်တည်ဆောက်ပေးရန် အစီအစဉ်ရှိ/မရှိ၊ အစီအစဉ်ရှိပါက မည်သည့်အချိန်တွင် ဆောင်ရွက်ပေးနိုင်မည်နှင့် မရှိပါက မည်သည့်အတွက်ကြောင့် မရှိသည်ကို သိရှိလိုပါကြောင်းမေးမြန်းပါသည်။

ဦးရဲထွဋ်တင် (ဖာဆောင်း)  ကိုယ်စား ဦးကျော်ခိုင်ဝင်း (မယ်စဲ့) မေးမြန်းပါသည်။