(င)-ထီးချိုင့်မြို့နယ်၊မြတောင်ကျေးရွာအခြေခံပညာ အထက်တန်းကျောင်းတွင် တိုးချဲ့ကျောင်းဆောင် သစ်အတွက်ရန်ပုံငွေခွင့်ပြုချထားပေးရန်အစီအစဉ် ရှိ၊ မရှိ နှင့် စပ်လျဉ်းသည့် မေးခွန်း
2020-12-21
ထီးချိုင့်မြို့နယ်၊ မြတောင်ကျေးရွာ အခြေခံပညာအထက်တန်းကျောင်းတွင် မူလတန်း၊ အလယ်တန်း၊ အထက်တန်းကျောင်းသား စုစုပေါင်း ၁၈၁၇ ဦးရှိသည့်အတွက် လက်ရှိစာသင်ခန်းနှင့် ကျောင်းသား ညီမျှမှုမရှိကြောင်း၊ အဆိုပါ စာသင်ခန်းလို၏ အပ်ချက်များဖြည့်ဆည်းနိုင်ရန် ၂၀၁၃-၁၄ ပညာသင်နှစ်တွင် တိုးချဲ့ကျောင်းဆောင်သစ် ပေ ၁၂၀ ထ ၃၀၊ နံကပ်သွပ်မိုး နှစ်ထပ်အဆောက်အဦ ရန်ပုံငွေ ချထားပေးနိုင်ရန်အတွက် သက်ဆိုင်ရာဌာနမှ အမှုတွဲများအဖြစ် တင်ပြလျှောက်ထားခဲ့သော်လည်း ယခုအချိန်ထိ ခွင့်ပြုငွေမရရှိသေးကြောင်း၊ သို့ဖြစ်ပါ၍ ထီးချိုင့်မြို့နယ်၊ မြတောင်ကျေးရွာ အခြေခံပညာ အထက်တန်းကျောင်းကို တိုးချဲ့ကျောင်းဆောင်သစ် အမှန်လိုအပ်နေသည့်အတွက် ပညာရေးဝန်ကြီးဌာန၏ သတ်မှတ်ချက်နှင့် အညီ ပေ ၁၂၀ × ၃၀ RC နှစ်ထပ်ကျောင်းဆောင်သစ်အား ခွင့်ပြုရန်ပုံငွေချထားပေးရန် အစီအစဉ်ရှိ/မရှိ သိရှိလိုကြောင်း မေးမြန်းပါသည်။