ဒီမိုကရေစီဖော်ဆောင်နေသော မိမိတို့၏ နိုင်ငံတော်ကြီးတွင် ခေတ်နှင့်အညီ လိုက်လျောညီထွေမှုမရှိသော၊ ကိုက်ညီမှုမရှိသော ဥပဒေများကို ပြည်ထောင်စုလွှတ်တော်၊ တိုင်းဒေသကြီးနှင့် ပြည်နယ်လွှတ်တော်များမှ လွှတ်တော်ကိုယ်စားလှယ်များပါ အတည်ပြု ရေးဆွဲပြဋ္ဌာန်းခဲ့ကြပါကြောင်း၊ အတည်ပြုရေးဆွဲခဲ့သော ဥပဒေများကို သက်ဆိုင်ရာနိုင်ငံတော်အကြီးအကဲမှလည်း ထုတ်ပြန်ထားသည်ကို တွေ့ရှိရပါကြောင်း၊ သို့သော် ဥပဒေအချို့သည် ဥပဒေသာထွက်ပေါ်လာပြီး ယနေ့ထက်တိုင်အချိန်မီ နည်းဥပဒေကို ထုတ်ပြန်ထားခြင်း မရှိသည်ကို တွေ့ရှိရပါကြောင်း၊ ယခုကဲ့သို့ နည်းဥပဒေကို အချိန်မီထုတ်ပြန်ထားခြင်း မရှိသည့်အတွက်ကြောင့် ပိုမိုပြည့်စုံနိုင်ရန် ဥပဒေတစ်ခုကို အသုံးပြုဆောင်ရွက်နိုင်ရန်အတွက် ဥပဒေနှင့်အတူ နည်းဥပဒေများကို အချိန်မီအမြန်ဆုံး ထုတ်ပြန်ပေးရန် အစီအစဉ်ရှိ/မရှိ သိရှိလိုကြောင်း မေးမြန်းပါသည်။