နိုင်ငံတစ်ဝှမ်းရှိ မြို့နယ်အသီးသီးတွင် မော်တော်ဆိုင်ကယ်များကို တွင်တွင်ကျယ်ကျယ် စီးနင်းအသုံးပြုလျက် ရှိနေကြသဖြင့် အချိန်ကုန်သက်သာပြီး သွားလာရေး အဆင်ပြေလျက် ရှိကြပါကြောင်း၊ သို့သော် စီးနင်းသူအချို့၏ ယာဉ်စည်းကမ်း၊ လမ်းစည်းကမ်း လိုက်နာမှု အားနည်းခြင်းများကြောင့် ယာဉ်တိုက်မှုများ မကြာခဏဖြစ်ပွားပြီး အသက်သေဆုံးသည်အထိ ခံစားနေကြရပါကြောင်း၊ နိုင်ငံတစ်ဝှမ်းလုံးရှိ မြို့နယ်များသာမက အုပ်ချုပ်ရေး မြို့တော်ဖြစ်သော နေပြည်တော်တွင်လည်း မီးပွိုင့်မီးနီနေစဉ် ဖြတ်သန်းမောင်းနှင်ခြင်း၊ ဆိုင်ကယ်တစ်စီးတွင် သုံးယောက်ထက်မက စီးနင်းခြင်း၊ ဆိုင်ကယ်ဦးထုပ်မဆောင်းခြင်း၊ နံပါတ်ပြား၊ နောက်ကြည့်ဘက်မှန် များ၊ အချက်ပြမီးများ မကောင်းခြင်းများစသည့် စည်းကမ်းမလိုက်နာမှုများကို မကြာခဏ တွေ့မြင်နေကြရပါကြောင်း၊ တွေ့ရှိနေရပါကြောင်း၊ သို့ဖြစ်ပါ၍ မော်တော်ဆိုင်ကယ် စီးနင်းသူများ အနေဖြင့် ယာဉ်စည်းကမ်း၊ လမ်းစည်းကမ်းများအား တိကျစွာ ရေရှည် လိုက်နာဆောင်ရွက်နိုင်ရန်နှင့် သက်ဆိုင်ရာတာဝန်ကျ ယာဉ်ထိန်းရဲများအနေဖြင့်လည်း အရေးယူဆောင်ရွက်ခြင်းများ အားနည်းနေခြင်းများအပေါ် မည်ကဲ့သို့ စီစဉ်ဆောင်ရွက်လျက်ရှိသည်ကို သိရှိလိုကြောင်း မေးမြန်းပါသည်။