(င)-နိုင်ငံတော်ပြန်တမ်းအဖြစ်ထုတ်ပြန်ကြေညာပြီးပေး အပ်ချီးမြှင့်ထားသည့်ဘွဲ့ထူး၊ ဂုဏ်ထူးတံဆိပ်နှင့် လစဉ်ချီးမြှင့်ငွေအား ခေတ်နှင့်လျော်ညီစွာတိုးမြှင့် ချီးမြှောက်ပေးရန်နှင့်စပ်လျဉ်းသည့်မေးခွန်း
မြန်မာဆိုရှယ်လစ်လမ်းစဉ် ပါတီခေတ်ကာလတွင် နိုင်ငံတော်ရဲ့အကျိုးအတွက် သတ်မှတ်ထားသော နည်းလမ်းနှင့်အညီ ဆောင်ရွက်ခဲ့ကြသော ပုဂ္ဂိုလ်များ ကို ဆောင်ရွက်မှုအလိုက် နိုင်ငံ့ ဂုဏ်ရည် ဘွဲ့တံဆိပ်နှင့် လစဉ် ချီးမြှင့်ငွေ ထောက်ပံ့ပေးခဲ့ပါကြောင်း၊ ယခုအခါ ပြောင်းလဲနေ သည့် ငွေကြေး တန်ဖိုး အရ နှိုင်းဆကြည့်ပါက အမြင်မတော် ဆင်တော်နှင့်ခလောက်သလို ဖြစ်နေပြီး ဥပမာအားဖြင့် မိမိတို့မြို့နယ်အတွင်းရှိ အသက်အားဖြင့် ၉၀နှစ်ခန့်ရှိ နိုင်ငံ့ဂုဏ်ရည် ဒုတိယအဆင့်ရ ပုဂ္ဂိုလ်ကြီးတစ်ဦး၏ လစဉ်ချီးမြင့်ငွေမှာ ၃၇၅ ကျပ်သာ ထုတ်ယူခံစားနေရသည်မှာ နှစ်အတော်ကြာခဲ့ပြီဖြစ်ပါကြောင်း၊ တစ်နိုင်ငံလုံးအရ တိုင်းတာကြည့်ပါက လူဦးရေခန့်မှန်းချက်မှာ ၁၀၀ ဦး ခန့်သာ ရှိမည်ဖြစ်ပြီး အားလုံးမှာလည်း ဘဝနေဝင်ချိန်ကို လျှောက်လှမ်း နေရသော အရွယ်ဖြစ်နေကြသည့်အတွက် နိုင်ငံတော် အစိုးရမှ ဂရုဏာရှေ့ ထားပြီး နိုင်ငံတော်ပြန်တမ်းဖြင့် ထုတ်ပြန် ကြေညာပြီး ပေးအပ်ချီးမြှင့်ထားသည့် ဘွဲ့ထူး၊ ဂုဏ်ထူးတံဆိပ်နှင့် လစဉ် ချီးမြှင့်ငွေအား ခေတ်နှင့် လျော်ညီစွာ တိုးမြှင့်ချီးမြောက်ပေးရန် အစီအစဉ်ရှိ/မရှိ သိရှိလိုပါကြောင်းနှင့် သိရှိပါက မည်သည့် အချိန်တွင် အမြန်ဆောင်ရွက်ပေးမည်ကို သိရှိလိုပါကြောင်း မေးမြန်းပါသည်။