(က)-ကျောင်းရှစ်ဆယ်ကျေးရွာအုပ်စု၊ထန်းကုန်း အနောက်ကျေးရွာကိုယ့်အားကိုယ်ကိုးကျေးလက် မီးလင်းရေးနှင့် ပတ်သက်၍မည်ကဲ့သို့ ကူညီဆောင်ရွက်ပေးမည်ကိုသိလိုသည်နှင့် စပ်လျဉ်းသည့် မေးခွန်း
2020-12-21
ပဲခူးတိုင်းဒေသကြီး၊ အုတ်တွင်းမြို့နယ် ကျောင်းရှစ်ဆယ်ကျေးရွာအုပ်စု ထန်းကုန်း အနောက်ဘက်ကျေးရွာသည် အိမ်ခြေ ၁၅၀ ခန့်၊ လူဦးရေ ၇၀၀ ကျော် နေထိုင်လျက်ရှိပြီး လက်ရှိတွင် လျှပ်စစ်မီးရရှိရေးအတွက် ကျောင်းရှစ်ဆယ် ကပေါင်းဒေသမှ တစ်မိုင်ခန့် ကွာဝေးသော ထန်းကုန်းဘုန်းတော်ကြီးကျောင်းအရောက် 315 KV Single Line တစ်ခု သွယ်တန်းထားပြီးဖြစ်ပါကြောင်း၊ ကျေးလက်နေပြည်သူများအနေဖြင့် ဘေးပတ်ဝန်းကျင် ရွာများနီးတူ လျှပ်စစ်မီးရရှိနိုင်ရေးအတွက် ကျေးလက်မီးလင်းရေး ယာယီကော်မတီ ဖွဲ့ပြီး ဆောင်ရွက်လျက် ရှိပါသည်။ သို့ဖြစ်ပါ၍ ပဲခူးတိုင်းဒေသကြီး၊ အုတ်တွင်း မြို့နယ် ကျောင်းရှစ်ဆယ်ကျေးရွာအုပ်စု ထန်းကုန်း အနောက်ဘက်ကျေးရွာအား လျှပ်စစ်မီးလင်းရေးအတွက် နိုင်ငံတော်မှ မည်သို့ဆောင်ရွက်ပေးမည်ကို သိရှိလို ပါကြောင်း မေးမြန်းပါသည်။