ဦးကျော်သီဟ(ပြင်ဦးလွင်မဲဆန္ဒနယ်)

ပြင်ဦးလွင်နဲ့မန္တလေး ၄၂ မိုင် ပဲဝေးပါတယ်။ မန္တလေးကနေ ၄၂ မိုင်ပဲဝေးတဲ့ ကျွန်တော်တို့ပြင်ဦးလွင်မြို့ပေါ်မှာ လောလောဆယ် ကုန်တင်ယာဉ် တွေ၂၂ ဘီးတပ်ကုန်တင်ယာဉ်၊ နောက်တွဲယာဉ်အကြီးကြီးတွေအပါအဝင် တရုတ်ကုန်သွယ်လမ်းမကြီး ပေါ်မှာ ရှိနေတဲ့နေရာမှာ ကုန်တင်ယာဉ်တွေတော်တော်များများ ဖြတ်သန်းသွားလာတဲ့အချိန်မှာ မြို့ရဲ့ အခင်းအကျင်းနဲ့အနေအထားအရ မြို့ဟာတော်တော်ကို ပြင်ဦးလွင်မြို့နယ် ပြည်သူပြည်သားတွေ အတွက် အားလုံးအင်မတန်ကို ဒုက္ခရောက်နေပါတယ်။ အဲဒီဖြတ်သန်းသွားတဲ့ ကားကြီးတွေဟာ ကျွန်တော်တို့မြို့တွင်းကို အေးရှားဝေါလ်ကုမ္ပဏီ ဘီအိုတီစနစ်နဲ့ဖြတ်သန်းသွားတဲ့ ကားလမ်းမပေါ်ကြီး ကိုပေးထားတဲ့နေရာကလည်း ကျွန်တော်တို့ ပြင်ဦးလွင်-မန္တလေး-လားရှိုးလမ်းကြီးရဲ့ လမ်းမြို့ လယ်ခေါင်က နာရီစင်ကိုဖြတ်သန်းသွားတဲ့ လမ်းကြီးပေါ်ပေးထားတာဖြစ်ပါတယ်။ ဒါပေမယ့် တကယ်တမ်း အဲဒီလမ်းမအတိုင်းဖြတ်သန်းသွားခဲ့ရင် မြို့အိမ်ရာတွေနဲ့ဘယ်လိုမှ မလွတ်မကင်းဖြစ်တဲ့ အတွက်ကြောင့်မို့လို့ မြို့နယ်အနေနဲ့ အောင်ဇေယျလမ်းဆိုပြီးတော့မှ ပန်းခြံရှိတဲ့ လမ်းဖက်ကိုပေးပါ တယ်။ အဲဒီလမ်းက စည်ပင်သာယာပိုင်လမ်းဖြစ်ပါတယ်။ အဲဒီလမ်းပေါ်မှာရှိနေတဲ့အတွက် အဲဒီလမ်း မှာလည်းပဲ တကယ်တမ်းဝန်နဲ့အားနဲ့မမျှဘဲနဲ့ မော်တော်ဆိုင်ကယ်တွေရော၊ ကားတွေရောရှိသမျှ အနေအထားတွေနဲ့ ကျွန်တော်တို့မြို့ပေါ်မှာ တော်တော်ကို လမ်းတွေပိတ်ဆို့ပြီးတော့မှ ကားအက်ဆီးဒင့်တွေလည်းဖြစ်တာတွေများတယ်။ မော်တော်ဆိုင်ကယ်တွေလည်းပဲ အခက်အခဲဖြစ် တယ်။ မြို့နေပြည်သူတွေကလည်း ဒီလမ်းမကြီးပေါ်မှာ တစ်လျှောက်လုံး သွားလာမှုအင်မတန် ခက်ခဲ ပြီးတော့မှ လမ်းတွေပိတ်ဆို့မှုလည်းဖြစ်ပါတယ်။ ကျွန်တော်တို့ ပြင်ဦးလွင်မြို့ဟာ တကယ်တမ်းတော့ တပ်မတော်သင်တန်း ကျောင်းကြီးတွေလည်းရှိပါတယ်။ နောက်အပန်းဖြေစခန်းမြို့ ဖြစ်တဲ့အတွက် အဲဒီမြို့ပေါ်မှာလည်းပဲ ကိုလိုနီခေတ်အဆောက်အဦတွေနဲ့ နိုင်ငံခြားခရီးသွားတွေရော အင်မတန်ကို ကျွန်တော်တို့လှပတဲ့ မြို့လေးဟာ ဒီလမ်းမကြီးတစ်လျှောက်မှာမြို့ပေါ်မှာကျလာတဲ့ အတွက် ကျွန်တော်တို့မြို့ပေါ်မှာ နေရထိုင်ရသွားရလာရတာရောအကုန်လုံး အခက်အခဲတွေ လမ်းပိတ်ဆို့မှု တွေရော အများကြီးဖြစ်နေပါတယ်။ အဲ့ဒီဖြစ်နေတဲ့အတွက် ကျွန်တော်ကနေပြီးတော့မှ ဒီပြည်သူ့ လွှတ်တော်ကနေတစ်ဆင့် အဲဒီလမ်းအခက်အခဲရှိနေတာကို ဖြေရှင်းပေးဖို့ ကျွန်တော် စာတင်ခဲ့ဖူးပါ တယ်။ အဲဒီတင်ထားခဲ့တဲ့စာမှာ ဆောက်လုပ်ရေးဝန်ကြီးဌာနကနေပြီးတော့မှ အေးရှားဝေါလ်က လမ်းအူကြောင်းရှာပြီးတော့မှ ကျွန်တော်တို့မြို့ရှောင်လမ်းတစ်ခုကို ရှာပြီးသားအနေအထားအတိုင်းပဲ ကျွန်တော်တို့ကိုပြန်ပြီးတော့မှ အကြောင်းကြားပါတယ်။ သို့သော်အဲဒီနေရာကို မလုပ်ဖြစ်တော့ဘဲနဲ့ မြို့ထဲလမ်းကိုပဲ ပြင်ဆင်ပြီးတော့မှ ပြန်ပြီးချပေးပါတယ်ဆိုတဲ့ စာတင်ထားတော့ ကျွန်တော်တို့မြို့ အနေနဲ့လည်းပဲ တကယ်တမ်း အခက်အခဲဖြစ်နေတဲ့အတွက် ဒုတိယအကြိမ် ကျွန်တော်ပြန်ပြီးတော့မှ ဒီလွှတ်တော်ကနေပြီးတော့မှကျွန်တော်ပြန်ပြီး တင်ပြခြင်းဖြစ်ပါတယ်။ တကယ်တမ်းတော့ ကျွန်တော်တို့ မြို့ပေါ်လမ်းမတန်းတစ်လျှောက်မှာ မန္တလေး-လာရှိုး-တရုတ်ကုန်သွယ်လမ်းမကြီးပေါ်မှာ ကျနေတဲ့ အတွက် အဲဒီလမ်းမကြီးမှ မြို့ရှောင်လမ်းကို ဖောက်ပေးခဲ့ရင်တော့ ကျွန်တော်တို့မြို့ရဲ့ သာယာလှပမှု လေးသည် ပြန်ပြီးတော့မှ အဆင်ပြေသွားနိုင်မယ့်အတွက် ကျွန်တော်ဒီမေးခွန်းကို တင်ပြရခြင်းဖြစ်ပါ တယ်။