ပြည်သူ့လွှတ်တော် ဥပဒေရေးရာကော်မရှင်အနေဖြင့် ၂-၉-၂၀၁၂ မြန်မာ့ အလင်းသတင်းစာနှင့် ၄-၉-၂၀၁၂ မြဝတီသတင်းစာတို့မှာ ဒေါက်တာမာလာအောင်၊ ဒုတိယပါမောက္ခချုပ်၊ ရန်ကုန်အရှေ့ပိုင်းတက္ကသိုလ်ရေးသားသည့် Union Level ဒွိဟ သို့မဟုတ် ပြည်ထောင်စုအဆင့် ဖွင့်ဆိုခြင်း၏ နောက်ဆက်တွဲဆန်းစစ်ချက်ဆိုသည့် ဆောင်းပါးကို ဖတ်ရှုပြီးပါပြီလား။ ဖတ်ရှုပြီးပြီဆိုပါ က ထိုဆောင်းပါးအပေါ် ဥပဒေရေးရာကော်မရှင်အနေနှင့် မည်ကဲ့သို့ ထင်မြင်ပါသလဲ။ မေးခွန်း (၂) ဒေါက်တာမာလာအောင်သည် ဒုတိယပါမောက္ခချုပ်၊ ရန်ကုန်အရှေ့ပိုင်းတက္ကသိုလ်ဟု ဖော်ပြထား ပါတယ်။ ဤပုဂ္ဂိုလ်သည် တက္ကသိုလ်တွင် လက်ရှိ တာဝန်ထမ်းဆောင်နေခြင်း ဟုတ်၊ မဟုတ်နှင့် ဟုတ် လျှင် ဒေါက်တာမာလာအောင်၏ ရေးသားဖော်ပြချက်အပေါ် သက်ဆိုင်ရာဝန်ကြီးဌာနက မည်သို့ သဘောထားမှတ်ချက်ပြုသည်ကို သိရှိလိုကြောင်း တင်ပြအပ်ပါတယ်။

ပြည်သူ့လွှတ်တော်ခန်းမတွင်းမှာ ပြန်ကြားရေးဒုတိယဝန်ကြီးလည်း ရောက်ရှိနေတဲ့အတွက် ပြန်ကြားရေး ဆိုင်ရာမေးခွန်းကို ဆက်လက်မေးမြန်းတင်ပြခွင့်ပြုပါရန် လေးစားစွာ ခွင့်တောင်းခံအပ်ပါတယ်ခင်ဗျား။ ဥက္ကဋ္ဌကြီးခင်ဗျား။ ယခုလိုအခြေအနေမျိုးမှာ နိုင်ငံပိုင်သတင်းစာများတွင် Union Level ဒွိဟ သို့မဟုတ် ပြည်ထောင်စုအဆင့်ဖွင့်ဆိုခြင်း၏ နောက်ဆက်တွဲ ဆန်းစစ်ချက်ဆိုသည့် ဆောင်းပါးကို ဖော်ပြခြင်းဖြင့် ဖြစ်ပေါ်လာနိုင်သည့် အကျိုးသက်ရောက်မှုကိုတွက်ဆပြီး ဖော်ပြပေးခြင်း ဟုတ်/မဟုတ် သိရှိလိုပါကြောင်း မေးမြန်းပါသည်။