ချင်းပြည်နယ်မှာ သဘာဝအလေ့ကျပေါက်ရောက်နေတဲ့ ထင်းရှူးဆီ၊ ထင်းရှူးပင်ဆိုတာရှိပါတယ်။ မြင်ဖူးသူရှိကြသလို၊ မမြင်ဖူးတဲ့ပုဂ္ဂိုလ်တွေလည်း ရှိကောင်း ရှိနိုင်ပါတယ်။ ထင်းရှူးပင်ကနေပြီးတော့ ရော်ဘာပင်လိုပဲ ထင်းရှူးဆီများကို ထုတ်လုပ်လို့ရပါတယ်။ ထင်ရှူးဆီထုတ်လုပ်ရေးလုပ်ငန်းများကို ကျွန်တော်တို့ယခင် မဆလအစိုးရလက်ထက်မှာ ဖလမ်း မြို့နယ် စီစံမောရွာမှာ စက်ရုံတစ်ရုံ၊ ဟားခါးမြို့နယ် လောက်လုံကျေးရွာမှာ စက်ရုံတစ်ရုံ၊ မင်းတပ် မြို့နယ် ဝန်းသိုမှာ စက်ရုံတစ်ရုံတည်ထောင်ပြီးတော့ ထင်းရှူးဆီခဲများကို ချက်လုပ်ပါတယ်။ ထင်းရှူး ဆီခဲကနေပြီးတော့ တာပင်တိုင်ဆီဆိုပြီးတော့ အဲဒီအဆင့်အထိ ထုတ်လုပ်ခဲ့ပါတယ်။ တာပင်တိုင်ဆီဟာ ဆိုလို့ရှိရင် အနည်းဆုံး၊ အနိမ့်ဆုံးအနေနဲ့ ကိုယ်လက်ကိုက်ခဲခြင်း၊ အရိုးအဆစ်နာခြင်း၊ ရောင်ခြင်း အမျိုးမျိုးမှာလည်း လိမ်းဆေးအဖြစ်နဲ့ အင်မတန်မှ အသုံးဝင်တဲ့ဆီ ဖြစ်ပါတယ်။ သို့သော်လည်းပဲ အချိန်ကာလကြာလာတဲ့အခါမှာ ဟိုတစ်ချိန်တုန်းကလို ထင်းရှူးဆီ ကောက်ယူရေးလုပ်ငန်းခွင်မှာ လုပ်ကိုင်နေကြတဲ့လုပ်သားများဟာ ယခင်က ရာရှင်ဆိုတဲ့ဆန်ခွဲတမ်း ရရှိကြသော်လည်းပဲ နောက်ပိုင်းမှာ ဆန်ခွဲတမ်းမရရှိနိုင်တော့တဲ့အခါမှာ ထင်းရှူးဆီ ကောက်ယူရေးလုပ်ငန်းဟာလည်း ပျက်စီးသွားပါတယ်။ ဘာကြောင့်လဲဆိုတော့ တောင်ယာအလုပ်နဲ့ အသက်မွေးနေရတဲ့ ချင်းပြည်နယ် မှာရှိတဲ့ လုပ်သားများဟာ သူတို့ရဲ့ရိက္ခာအတွက် အစိုးရကနေပြီးတော့ ထောက်ပံ့တဲ့ ဆန် ၈ ပြည် လစဉ်မှန်မှန်ရတဲ့အခါမှာ ထင်းရှူးဆီကောက်ယူရေးလုပ်ငန်းကို အချိန်ပေးလုပ်နိုင်ပါတယ်။ သို့သော် လည်းပဲ အဲဒီခွဲတမ်းများဟာ ဖြတ်တောက်သွားတဲ့အခါမှာ သူတို့အနေနဲ့ မိမိရဲ့ဝမ်းစာအတွက် တောင်ယာလုပ်ငန်းခွင်ထဲ ပြန်ဝင်ရတာဖြစ်တဲ့အတွက်ကြောင့် ထင်းရှူးဆီအရိုင်းများ ကောက်ယူ       ခြင်းကို လုပ်ကိုင်ဖို့ရာအခြေအနေမရှိတော့တဲ့အတွက်ကြောင့်။ နောက်ပြီးတော့ အစိုးရအနေနဲ့လည်း စက်ရုံအနေနဲ့ အရှုံးပေါ်လို့လားတော့ သေချာမသိပါဘူး။ စက်ရုံများကိုလည်း ပြန်လည်ပြီးတော့ ရုပ်သိမ်းသွားတာဖြစ်ပါတယ်။ အခုတင်ပြလိုတာကတော့ စက်ရုံများတည်ဆောက်ဖို့ အခက်အခဲရှိလို့ ရှိရင် ဒီထင်းရှူးဆီအရိုင်းများကို ကောက်ယူပြီး တစ်ပိုင်တစ်နိုင်နဲ့ မိမိနယ်မြေမှာရှိတဲ့ အပင်များကနေ ပြီးတော့ ရော်ဘာစေးခြစ်သလိုပဲ ကောက်ယူပြီးတော့ အဝယ်ဒိုင်တွေ ဖွင့်ပေးမယ်ဆိုလို့ရှိရင် သင့်တင့် လျောက်ပတ်တဲ့ဈေးနှုန်းနဲ့ ဝယ်ယူပေးမယ်ဆိုလို့ရှိရင် တောင်သူများ အလုပ်အားချိန်မှာသော်လည်း ကောင်း၊ မိမိတို့ရရှိတဲ့အချိန်ပိုလေးထဲမှာ အဲဒီဆီရိုင်းတွေကို ကောက်ယူသိမ်းဆည်းပြီးတော့ အဝယ်ဒိုင် တွေမှာ ပေးသွင်းမယ်ဆိုလို့ရှိရင် သူတို့အတွက် အခြားအပိုဝင်ငွေများ ရရှိနိုင်ဖို့ရာ အလားအလာ ရှိနိုင်ပါတယ်ဆိုတဲ့အချက်ပဲဖြစ်ပါတယ်။ ဘာကြောင့်လဲဆိုလို့ရှိရင် အားလုံးသိတဲ့အတိုင်းပဲ အားနာနာနဲ့ ပြောရမယ်ဆိုရင် ချင်းပြည်နယ်ရဲ့ ဆင်းရဲနွမ်းပါးမှုဟာ စာဖွဲ့လို့တောင်မရနိုင်လောက်အောင်ကို ဖြစ်နေ တဲ့အခြေအနေမှာ ရှိနေပါတယ်။ အားလုံးဖိတ်ခေါ်ပါတယ်။ လာကြည့်ကြပါ။ တကယ်ပဲ မျက်စိနဲ့မြင်မှ ပဲ ယုံကြမယ်ထင်ပါတယ်။ အဲဒါကြောင့်မို့လို့ ဒီလိုနေရာမျိုးမှာ သဘာဝကပေးထားတဲ့ ဒီအပင်ကနေပြီး တော့ ကုန်ကျစရိတ်မရှိဘဲ မိမိရဲ့လုပ်အားကို အသုံးပြုပြီးတော့ ရယူနိုင်မယ့် ထင်းရှူးဆီခဲကို ခြစ်ပြီး တော့ရသော်လည်းပဲ ဆက်လက်ပြီးတော့ ဘာလုပ်ရမှန်းမသိ ဖြစ်နေပါတယ်။ အဲဒါကြောင့်မို့လို့ အဆီစက်၊ အဆီခဲကို အသုံးပြုလို့ရအောင် ဆက်လက်ပြီးတော့ သင့်တော်တဲ့နေရာမှာ ပို့ဆောင်နိုင်ဖို့ ရာအတွက် ဒီအဆီခဲကောက်ယူခြင်းလုပ်ငန်းကို ပြန်လည်ပြီးတော့ ထောင်ပေးဖို့ရာအတွက် တင်ပြနေ ခြင်းဖြစ်ပါတယ်။ အဲဒါကြောင့်မို့လို့ ထင်းရှူးပင်ဆိုတာကလည်း ချင်းပြည်နယ်ရဲ့မြို့နယ်အများစုမှာ ပေါက်ရောက်နေပါတယ်။ ဥပမာ- ကန်ပက်လက်မြို့နယ်၊ မင်းတပ်မြို့နယ်၊ မတူပီမြို့နယ်၊ ဟားခါး မြို့နယ်၊ ထန်တလန်မြို့နယ်၊ ဖလမ်းမြို့နယ်၊ တီးတိန်မြို့နယ်၊ တွန်းဇံမြို့နယ် ဒီလိုမြို့နယ်တွေမှာ  အလေ့ ကျပေါက်နေတဲ့အပင်ဖြစ်ပါတယ်။ ဒီအပင်တွေဟာ လူတွေက ခုတ်လှဲ၍သော်လည်းကောင်း၊ အဆီအခဲထုတ်ချင်လို့ တဖြည်းဖြည်းနဲ့ ဈေးဖက်မှာ ရောင်းတဲ့ မီးမွှေးတဲ့ ထင်းရှူးဆီ။ အဲဒါလေးတွေကို ရရှိဖို့ရန်အတွက် ခုတ်ရင်းခုတ်ရင်းနဲ့ အပင်ကြီးတစ်ခုလုံးလှိုက်စားပြီးတော့၊ ပြိုလဲပြီးတော့ ဒီအတိုင်းပဲ ဆွေးမြေ့သွားတာတွေအများအပြား ဖြစ်ပါတယ်။ ဒီဟာတွေကိုလည်း ပြန်လည်ပြီးတော့ အစိုးရအနေနဲ့ ထင်းရှူးပင်ရဲ့ အဖိုးတန်ပုံကို သေချာသုတေသနလုပ်ပြီးတော့ ပြည်နယ်မှာ အလေ့ကျပေါက်ရောက် နေတဲ့ အပင်များကို အဘက်ဘက်ကနေပြီးတော့ ပြည်နယ်ရဲ့ ဆင်းရဲနွမ်းပါးမှုလျော့ပါးရေးအတွက် အသုံးပြုမယ်ဆိုရင် တစ်ဖက်တစ်လမ်းအားဖြင့်၊ တစ်နည်းတစ်လမ်းအားဖြင့် လုပ်ငန်းတစ်ခုဟာလည်း တန်ဖိုးရှိတဲ့လုပ်ငန်းဖြစ်နိုင်လိမ့်မယ်လို့ ယူဆလို့တင်ပြခြင်း ဖြစ်ပါတယ်။ ဥက္ကဋ္ဌကြီးခင်ဗျား။ ဒါကြောင့်မို့လို့ ဒီထင်းရှူးဆီခဲများကို အဝယ်ဒိုင်များ ဖွင့်လှစ်ပေးပြီးတော့ သင့်တော်တဲ့ဈေးနှုန်းနဲ့ တောင်သူများကို ပေးသွင်းစေဖို့ရန် အစီအစဉ် ရှိ၊ မရှိ။ အစီအစဉ်မရှိရင်လည်းပဲ ရှိအောင်လုပ်လို့ရ၊ မရ။ ထင်းရှူးဆီခဲများ ထုတ်လုပ်နိုင်ခြင်းမရှိပါက ထင်းရှူးပင်များကို ဘယ်လိုအသုံးပြုမလဲ၊ ဘယ်လို တန်ဖိုးရှိအောင်လုပ်ကြမလဲဆိုတဲ့ အစီအစဉ်မျိုးရှိ၊ မရှိကို ကျွန်တော်နှင့်တကွ ချင်းပြည်နယ်ရှိ ပြည်သူပြည်သားများကနေပြီး သိရှိလိုကြတဲ့အတွက်ကြောင့် မေးမြန်းရခြင်းဖြစ်ပါသည်။