နိုင်ငံတော်အစိုးရ ဆက်သွယ်ရေးဝန်ကြီး၊ မြန်မာ့ဆက်သွယ်ရေးလုပ်ငန်းက ဆက်သွယ်ရေးမိုဘိုင်းဖုန်းများကို တစ်နိုင်ငံလုံးဖြန့်ကျက်ပြီး ဆက်သွယ်ရေးကွန်ရက်ကောင်းမွန်စေရေး၊ တစ်မြို့နယ်နှင့် တစ်မြို့နယ်၊ တစ်နိုင်ငံလုံးမည်သည်‌့ နေရာဒေသမဆိုအလွယ်တကူပြောဆိုဆက်သွယ်နိုင်ရေး နိုင်ငံတကာအဆင့်မီစေရေး ဦးတည်ဆောင် ရွက်ပေးသည့်အတွက် ယခုအခါ ပြည်ထောင်စုမြန်မာနိုင်ငံတော်၏ဆက်သွယ်ရေးကဏ္ဍသည် တစ်စ တစ်စတိုးတက်ဖွံ့ဖြိုးလာသည်မှာ ကျေနပ်အားရမိပါတယ်ခင်ဗျား။ ဥက္ကဋ္ဌကြီးခင်ဗျား။ ရှမ်းပြည်နယ် အရှေ့ပိုင်း၊ မိုင်းပြင်းမြို့နယ်အတွင်း ဆက်သွယ်ရေးမိုဘိုင်းဖုန်းများ အချို့နေရာများတွင်ဆက်သွယ် ပြောဆိုနိုင်သော်လည်း ပြည်ထောင်စုလမ်းမကြီးအတွင်းရှိ မိုင်းပြင်း-ကျိုင်းတုံကြား တုံတာမြို့နယ်ခွဲ အတွင်း မိုဘိုင်းဖုန်းဆက်သွယ်ပြောဆိုနိုင်မှုမရှိသေးသည့်အတွက် ပြည်သူအများအားမလိုအားမရ   ဖြစ်ပြီး မိုဘိုင်းဖုန်းပြောဆိုဆက်သွယ်မှုများကို အထူးလိုလားတောင့်တလျက်ရှိကြောင်းသိရှိရပါတယ်။ သို့ဖြစ်ပါ၍ မိုင်းပြင်းမြို့နယ်၊ တုံတာမြို့နယ်ခွဲအတွင်း Mobile Phone, CDMA, GSM, WCDMA စတဲ့ဖုန်းများ အဘယ်ကြောင့်ပြောဆိုဆက်သွယ်နိုင်မှုမရရှိသေးသည်ကိုသိရှိလိုတဲ့အပြင် တုံတာမြို့နယ် ခွဲ၏ မိုဘိုင်းဖုန်းတပ်ဆင်ပြောဆိုနိုင်မှု အစီအစဉ်ရှိ၊ မရှိနှင့် အစီအစဉ်ရှိပါက မည်‌သည့်အချိန်တွင် ဆောင်ရွက်ပေးနိုင်မည်ဖြစ်ပြီး အစီအစဉ်မရှိပါက အဘယ်ကြောင့် မဆောင်ရွက်ပေးနိုင်မည်ကို သိရှိ လိုသည့်အတွက် မေးမြန်းခြင်း ဖြစ်ပါသည်။