ယခုအခါမှာ ရန်ကုန်-မန္တလေးလမ်းမကြီးပေါ်မှာ ကုန်တင်ကားများ၊ လူစီးကားများဟာ ပြည့်ကျပ်စွာ သွားလာလျက် ရှိပါတယ်။ ကုန်တင်ယာဉ်ကြီးများအနေနဲ့လည်း ယခုအခါမှာ ၂၂ ဘီး ထွေလာယာဉ်ကြီးများ ပေါ်ပေါက်လာပါတယ်။ ဒါကြောင့် လမ်းသွားလမ်းလာများ ကုန်တင်ယာဉ်များ ယာဉ်ငယ်များ အန္တရာယ်ကင်းရှင်းရေးအတွက် လမ်းမပေါ်မှာ ဆိုင်ကယ်၊ စက်ဘီး၊ အနှေးယာဉ်လမ်းများပါရှိသည့် နှစ်လမ်းမောင်းစနစ်ဖြစ်တဲ့ ရန်ကုန်-မန္တလေးအဝေးပြေးလမ်းမသစ်ကြီးကဲ့သို့ နှစ်လမ်းသွားစနစ်မျိုး ဖြစ်အောင် လမ်းများကို ပြုပြင်ပေးသင့်ပါတယ်။ သို့ဖြစ်ပါ၍ ပြည်သူလူထု ယာဉ်အန္တရာယ်ကင်းရှင်းစွာ မောင်းနှင်သွားလာနိုင်ရေးအတွက် ထိုကဲ့သို့ ပြုလုပ်ပေးနိုင်ခြင်းရှိ၊ မရှိ သိရှိလိုသည့်အတွက် မေးမြန်းရခြင်း ဖြစ်ပါသည်။