ရခိုင်ပြည်နယ်၊ ဘူးသီးတောင်မြို့နယ်နှင့် မောင်တောမြို့နယ်များမှ အခြေခံပညာအထက်တန်းစာမေးပွဲတွင် ထူးချွန်စွာ အောင်မြင်သော ကျောင်းသား၊ ကျောင်းသူအများစုသည် အသက်မွေးဝမ်းကျောင်း တက္ကသိုလ်များ တက်ရောက်ရန် အမှတ်မီသော်လည်း တက်ရောက်ခွင့်မရရှိကြသဖြင့် သက်ဆိုင်ရာ ကျောင်းသား၊ ကျောင်းသူအတွက်ရော နိုင်ငံတော်အတွက်ပါ များစွာ နစ်နာဆုံးရှုံးရပါသည်။ ထို့အတူ ရခိုင်ပြည်နယ်ရှိ အခြားမြို့နယ်များတွင်လည်း အလားတူ နစ်နာဆုံးရှုံးမှုများရှိပါသည်။ သို့ဖြစ်ပါ၍ အဆိုပါ ကျောင်းသား၊ ကျောင်းသူများ၏ အသက်မွေး ဝမ်းကျောင်း ပညာသင်ကြားခွင့် မဆုံးရှုံးရအောင် သက်ဆိုင်ရာမှ မည်သို့ ကူညီဆောင်ရွက်ပေးမည်ကို သိလိုပါကြောင်း မေးမြန်းပါသည်။