ရှမ်းပြည်နယ်တောင်ပိုင်းနှင့် ရှမ်းပြည်နယ်မြောက်ပိုင်းကို ဆက်သွယ်ထားတဲ့ လမ်းကြောင်းတစ်ခုဖြစ်တဲ့ ဟိုပုန်း-မိုင်းပြင်း-မိုင်းလင်း-တုံလောလမ်းဟာ ကျောက်ချောလမ်းဖြစ်ပါတယ်။ သို့ပေမယ့်လည်း ဟိုပုန်း-မိုင်းပြင်းလမ်းပိုင်း မိုင်တိုင်အမှတ် ၁၁/၀ မှ ၁၇/၀ အထိဟာ  မြေသားလမ်း ဖြစ်နေသေးတဲ့အတွက် မိုးရာသီမှာ သွားလာလို့မရတော့ပါ။ ၎င်းလမ်းပိုင်းဟာ ဟိုပုန်းမြို့နယ် မြောက်ခြမ်းနှင့် ဟိုပုန်းမြို့ကို ဆက်သွယ်ပေးတဲ့ အဓိကလမ်းပိုင်းဖြစ်နေတဲ့အတွက် ကျောက်ချောလမ်း အဖြစ် အဆင့်မြှင့်တင်ပေးလိုက်ရင် ဒေသခံပြည်သူတွေအတွက် များစွာအကျိုးရှိစေမှာဖြစ်တဲ့အပြင် နယ်မြေအေးချမ်းမှု၊ တရားဥပဒေစိုးမိုးမှုကို များစွာအထောက်အကူပြုစေမှာ ဖြစ်ပါတယ်။ ဒါကြောင့် ဒီလမ်းပိုင်းကို ကျောက်ချောလမ်းအဖြစ် အဆင့်မြှင့်တင်ပေးဖို့ အစီအစဉ် ရှိ၊ မရှိ သိလိုသည့်အတွက် မေးမြန်းရခြင်း ဖြစ်ပါသည်။