လျှပ်စစ်ဓာတ်အားထုတ်လုပ်နိုင်တဲ့ ရေအားအရင်းအမြစ်တွေ၊ နောက် ရေနံနဲ့သဘာဝဓာတ်ငွေ့၊ နောက် ကျွန်တော်တို့ ကျောက်မီးသွေး၊ ပြီးလို့ရှိရင် လေစွမ်းအင်၊ နေစွမ်းအင်ပြီးတော့ ဇီဝစွမ်းအင်ဖြစ်တဲ့ သစ်တောသယံဇာတများပေါကြွယ်ဝပါတယ်။ အဲဒီတော့ ကျွန်တော် သိရှိလေ့လာ ထားသမျှဆိုရင် ကျွန်တော်တို့ မြန်မာနိုင်ငံမှာ လေအားလျှပ်စစ်ထုတ်လုပ်နိုင်တဲ့ ရေအရင်းအမြစ် ၃၉၇၂၀ မဂ္ဂါဝပ်ရှိပါတယ်။ ကျွန်တော်တို့နိုင်ငံမှာ အခု ရေအားလျှပ်စစ်စက်ရုံ ၁၇ ရုံ တည်ဆောက်ထားပြီး စက်တပ်ဆင်မှုအင်အားဟာ ၂၅၂၆ မဂ္ဂါဝပ်ဖြစ်ပါတယ်။ သဘာဝဓာတ်ငွေ့သုံး ဓာတ်အားပေးစက်ရုံ ၁၀ ရုံရှိပြီးတော့ စက်တပ်ဆင်အင်အား ၇၁၅ မဂ္ဂါဝပ်ဖြစ်ပါတယ်။ ကျောက်မီးသွေးစက်ရုံ အနေနဲ့ ကျွန်တော်တို့နိုင်ငံမှာ ၁ ရုံရှိပြီးတော့ စက်တပ်ဆင်အင်အားဟာ ၁၂၀ မဂ္ဂါဝပ်ဖြစ်ပါတယ်။ ဓာတ်အားဖြန့်ဖြူးတဲ့ကွန်ရက်စနစ်အနေနဲ့ ၂၃၀ ကေဗွီ၊ ၁၃၂ ကေဗွီ၊ ၆၆ ကေဗွီ အားလုံး လိုင်းကီလိုမီတာအားဖြင့် ၉၂၄၆ လိုင်းကီလိုမီတာ ရှိပါတယ်။ စက်တပ်ဆင်အင်အားအနေနဲ့ ၃၃၆၀ မဂ္ဂါဝပ်ကို ဖြန့်ဖြူးနိုင်မှာဖြစ်ပါတယ်။ ကျွန်တော်တို့နိုင်ငံမှာ လျှပ်စစ်ဓာတ်အား လုံလောက်စွာ ထုတ်လုပ်နိုင်ခြင်းမရှိဘူး၊ ဖြန့်ဖြူးနိုင်ခြင်းမရှိဘူးဆိုတာကို ကျွန်တော်တို့ လက်ခံထားပါတယ်။ အဲဒီတော့ တာဝန်ရှိတဲ့အစိုးရအနေနဲ့လည်း ကြိုးစားပြီးထုတ်လုပ်ဖို့ လုပ်နေတယ်ဆိုတာကိုသိရပါ တယ်။ သို့သော်ငြားလည်း ကျွန်တော်တို့ ပြည်သူလူထုအနေနဲ့ အနာဂတ်မှာ ဘယ်အချိန်မှာ ဘယ်လောက် ကျွန်တော်တို့ လျှပ်စစ်ဓာတ်အားတိုးတက်ထုတ်လုပ်ပြီး ဖြန့်ဖြူးပေးနိုင်မယ်ဆိုတာလေး ကိုလည်းပဲသိချင်ပါတယ်။ ဒါ့အပြင် ကျွန်တော်တို့ လျှပ်စစ်ဓာတ်အားပျောက်ဆုံးမှုများနဲ့ပတ်သက်လို့ လည်း အတော်များများရှိနေတာကို ကျွန်တော်တို့သိပါတယ်။ အဲဒီတော့ ကျွန်တော်တို့တိုင်းပြည်ရဲ့ သဘာဝအ‌ွခေအနေအရ ရေအားလျှပ်စစ်တွေဟာ မြောက်ပိုင်းဒေသမှာရှိပြီးတော့ လျှပ်စစ်ဓာတ်အား အသုံးများတာက ကျွန်တော်တို့ မြန်မာနိုင်ငံရဲ့တောင်ပိုင်းဒေသဖြစ်ပါတယ်။ ဒါကြောင့်မို့လို့ အကွာအဝေးအားဖြင့် များပြားပြီးတော့ လိုင်း Lost တွေဖြစ်တာလည်းရှိသလို တခြားနည်းတွေနဲ့ ပျောက်ဆုံးတာတွေလည်းရှိနေတယ်လို့ ကျွန်တော်တို့သိထားပါတယ်။ ဒါကြောင့်မို့လို့ ဒါတွေကို ဘယ်လိုပြုပြင်မလဲဆိုတဲ့အပိုင်းလည်း တာဝန်ရှိသူများအနေနဲ့ စဉ်းစားရမှာဖြစ်ပါတယ်။ ထို့အတူပဲ ဓာတ်အားပြတ်တောက်မှုအနေနဲ့လည်းပဲ မကြာခဏကြုံတွေ့ရပါတယ်။ ဓာတ်အားပြတ်တောက်တဲ့ အခါမှာ ကျွန်တော်တို့ စက်ရုံ၊ အလုပ်ရုံတွေဟာ ရပ်တန့်ရတဲ့အတွက်ကြောင့်မို့လို့ ဆင်းရဲသား အလုပ်သမားများဟာ စားဝတ်နေရေးထိခိုက်တာမျိုးလည်းရှိပါတယ်။ လူနေအိမ်ခြေအနေနဲ့ အထပ် မြင်‌့တဲ့နေရာတွေမှာနေတဲ့ တိုင်းသူပြည်သားများအတွက်ကလည်း အလင်းရောင်နဲ့ အီလက်ထရွန်းနစ် ပစ္စည်းတွေကိုသုံးတဲ့အပိုင်းက မထောင်းသာပါသော်လည်းပဲ ရေမတင်နိုင်တဲ့အတွက် နွေရာသီလို ဟာမျိုးမှာ အထူးပဲအခက်အခဲရှိတာကို ကျွန်တော်တို့ နှစ်ပေါင်းအတော်များများကြုံခဲ့ရပြီးဖြစ်ပါတယ်။ ဒါကြောင့်မို့လို ဒီလိုင်းပြတ်တောက်မှုကိုလည်းပဲ ကျွန်တော်တို့က ဘယ်လိုပြုပြင်ပေးမလဲဆိုတာကို သိချင်ပါတယ်။ ဒါကြောင့်မို့လို့ ကျွန်တော့်မေးခွန်းများကိုချုံ့ရရင် နံပါတ် (၁) လက်ရှိမြန်မာနိုင်ငံမှာ လျှပ်စစ်ဓာတ်အား မည်မျှထုတ်လုပ်ပြီး မည်ကဲ့သို့ဖြန့်ဖြူးနေတယ်ဆိုတဲ့ အ‌ွခေအနေလေးသိချင်ပါ တယ်။ (၂) အနာဂတ်အတွက် မည်မျှတိုးတက်ထုတ်လုပ်ပြီးတော့ မည်မျှတိုးတက်ဖြန့်ဖြူးပေးမယ့် အစီအမံကိုလည်းပဲ ကျွန်တော်တို့သိချင်ပါတယ်။ (၃) အနေနဲ့ကတော့ ကျွန်တော်တို့ ပြည်တွင်းပြည်ပ က ကျွန်တော်တို့ ရင်းနှီးမြှုပ်နှံမှုများ များပြားလာတဲ့အခါမှာ မျှော်မှန်းပြီးတော့မှ ကျွန်တော်တို့ ဘယ်လိုဖြည့်ဆည်းပေးမယ်ဆိုတဲ့ လျှပ်စစ်ဓာတ်အားထုတ်လုပ်ဖြန့်ဖြူးခြင်း အစီအမံလည်းသိချင်ပါ တယ်။ (၄) ကတော့ ကျွန်တော်တင်ပြသွားတဲ့ လျှပ်စစ်ဓာတ်အားပျောက်ဆုံးမှုနှင့် ပြတ်တောက်မှုများ အနည်းဆုံးဖြစ်အောင် ကျွန်တော်တို့ ဘယ်လိုစီမံမလဲဆိုတဲ့အပိုင်းကို ပြည်သူလူထုသိသာအောင် ထင်သာမြင်သာရှိအောင် ဖြေကြားပေးရန်အတွက် မေးမြန်းပါသည်။