(စ)-ပြည်တွင်းအခွန်များဦးစီးဌာန၏ အခွန်တံဆိပ်ခေါင်းများအား အချိန်မရွေးအဆင်ပြေလွယ်ကူစွာဝယ်ယူ ရရှိနိုင်ရေးစီစဉ်ဆောင်ရွက်ပေးနိုင်ပါရန်နှင့်စပ်လျဉ်းသည့်မေးခွန်း
ပြည်ထောင်စုသမ္မတမြန်မာနိုင်ငံမှာ တရားရုံးအဆင့်ဆင့်မှာ အမှုကိစ္စမျိုးစုံကို သက်ဆိုင်ရာ တရားရုံးမှာရှိတဲ့ တရားသူကြီးတွေကကြားနာဆုံးဖြတ်တဲ့အခါမှာ ဥပဒေဆိုင်ရာကိစ္စတွေ အကုန်လုံးကို သက်ဆိုင်ရာဥပဒေ၊ ပြဋ္ဌာန်းဥပဒေနှင့်အညီ ဆုံးဖြတ်ဖြေရှင်းဆောင်ရွက်ကြရတာဖြစ်ပါ တယ်။ အဲ့လို ဥပဒေဆိုင်ရာကိစ္စတွေကို သက်ဆိုင်ရာပြဋ္ဌာန်းဥပဒေတွေနှင့် နည်းဥပဒေများအရဖြေရှင်း ဆောင်ရွက်ကြရတာက Simple Logiest ပဲဖြစ်ပါတယ်။ အခြားနည်းနဲ့ ဖြေရှင်းလို့မရပါဘူး။ အဲ့တော့ တရားမမှုမှာလည်းကျင့်ထုံးဥပဒေတွေရှိပါတယ်။ ပြစ်မှုဥပဒေမှာလည်း သက်ဆိုင်ရာဥပဒေတွေ အားလုံးသတ်မှတ်ပြီးသားဖြစ်ပါတယ်။ အဲ့တော့ ဒီတရားရုံးကိစ္စတွေကို လိုက်ပါဆောင်ရွက်တဲ့နေရာမှာ အမှုလိုက်တဲ့ရှေ့နေတွေရှိပါတယ်။ အမှုသည်တွေရှိပါတယ်။ အမှုသည်တွေမှာ အမှုဖြစ်လို့စိတ်၏ ဆင်းရဲခြင်း၊ ကိုယ်၏ဆင်းရဲခြင်းဖြစ်တဲ့အချိန်မှာ အဆင်မပြေတဲ့ကိစ္စတွေအမျိုးမျိုးထပ်တွေ့ရပါတယ်။ အဲ့ဒါကတော့ အမှုနဲ့ဆိုင်တဲ့လျှောက်လွှာတွေတင်သွင်းတယ်။ တင်သွင်းတဲ့အခါမှာ အစိုးရကိုအခွန် ကျေချင်လို့ အခွန်တော်တံဆိပ်ခေါင်းတွေဝယ်ရပါတယ်။ အဲ့တော့ အခွန်တော်တံဆိပ်ခေါင်းဝယ်တဲ့ အခါတိုင်း အမှုသည်တွေက အမြဲတမ်းပြဿနာတွေတွေ့နေရပါတယ်။ အခွန်တော်တံဆိပ်ခေါင်းဝယ်ဖို့ အတွက် ပြည်တွင်းအခွန်များဦးစီးဌာနမှာဝယ်ယူရပါတယ်။ အဲ့လိုဝယ်ယူတဲ့အခါမှာ အခက်အခဲမျိုးစုံ တွေ့ရတယ်။ ပထမဦးဆုံးအခက်အခဲက တံဆိပ်ခေါင်းပြည့်ပြည့်စုံစုံမရှိတဲ့အခက်အခဲ၊ နောက်ပြီးတော့ တန်းစီရတဲ့အခက်အခဲစသည့် ပြည်သူ့ဝန်ထမ်းတွေရဲ့ အကျင့်မဲ့တဲ့အခက်အခဲတွေအမျိုးစုံတွေ့ရပါ တယ်။ အဲ့ဒီအတွက်ကြောင့် တံဆိပ်ခေါင်းတွေဝယ်ယူတဲ့အခါမှာ ရောင်းချတဲ့နေရာ၊ ရောင်းချပုံ နည်းစနစ်နှင့် ရောင်းချတဲ့အချိန်ကာလကန့်သတ်ချက်စတဲ့အကြောင်းအမျိုးမျိုးကြောင့် လိုအပ်သော အခွန်တံဆိပ်ခေါင်းတွေဝယ်ယူဖို့ အခက်အခဲတွေကြုံတွေ့နေရပါတယ်။ အဲ့တော့ တစ်နည်းအားဖြင့် ဆိုလို့ရှိရင် ခက်ခက်ခဲခဲဝယ်ယူရတဲ့အတွက် ၂၀၀ တန် တံဆိပ်ခေါင်းတွေကို အပြင်မှာကျတော့ ၁၀၀၀ ပေးလျှင်ကြိုက်သလိုဝယ်လို့ရပါတယ်။ အပြင်မှာရှိတဲ့လူတွေတောင်မှတံဆိပ်ခေါင်းဝယ်နိုင်ရင် တကယ် လိုအပ်တဲ့လူတွေကျတော့ ဘာဖြစ်လို့ခက်ခဲနေသလဲဆိုတာ စဉ်းစားစရာရှိပါတယ်။ အဲ့တော့ Stamp Ben Step ရောင်းချနိုင်မလား။ ပြည်တွင်းအခွန်ဦးစီးဌာနရဲ့ အခွန်တော်တံဆိပ်ခေါင်းရောင်းချတဲ့ဌာန တွေကို တရားရုံးအဆင့်ဆင့်အနီးအပါးမှာထားနိုင်မလား။ အချိန်မရွေးလွယ်ကူစွာဝယ်ယူရေးအတွက် စီစဉ်ဆောင်ရွက်ပေးနိုင်မလား။ အကယ်၍မဆောင်ရွက်ပေးနိုင်ပါက မည်သည့်အကြောင်းကြောင့် မဆောင်ရွက်နိုင်သည်ကို သိရှိလိုပါကြောင်း မေးမြန်းပါသည်။