လယ်ယာကဏ္ဍဖွံ့ဖြိုးတိုးတက်ဖို့အတွက် တိုက်ရိုက်ဆက်စပ်နေတဲ့ အချက်အလက်များကို တင်ပြလိုပါတယ်။ လေးစားအပ်ပါသော ဥက္ကဋ္ဌကြီးခင်ဗျား။ လယ်ယာကဏ္ဍဖွံ့ဖြိုးရေးနဲ့ ဆက်စပ်နေတဲ့ အချက်များမှာ မြန်မာတောင်သူလယ်သမားများသည် အရှုံးနှင့်ရင်ဆိုင်နေရသည့်တိုင် ဘဝပေးလူမှု စီးပွားရေးအ‌ွခေအနေအရ လယ်ယာစိုက်ပျိုးမှုကို ဆက်လက်လုပ်ကိုင်နေရခြင်း၊ တစ်တင်းပေါက်ဈေး သည် မြန်မာ့လယ်ယာတွင် ထိုင်း၊ ဗီယက်နမ်ထက် နိမ့်၍စပါးဈေးများရရှိနေခြင်း၊ (၂) လယ်ယာ စီးပွားမှ ပြန်လည်ရရှိသော အကျိုးအမြတ်နည်းပါး၍ စိုက်ပျိုးရေးဘက်တွင် မိသားစုလယ်ယာစနစ်ကို ပိုမို၍ အားပေးသင့်ခြင်း၊ ဥပမာ တစ်ဧကကို တင်း ၂၀၀၀၀၊ ၂၀၀၀၀ ကနေ ၄၀၀၀၀၊ ၄၀၀၀၀ ကနေ ၅၀၀၀၀ အထိ ပေးလာတဲ့အခါမှာ စိုက်ပျိုးစရိတ်ချေးငွေများ နှစ်စဉ် တိုးတိုးပေးလာတဲ့အတွက်ကြောင့် မို့လို့လည်း တောင်သူလယ်သမားများက အထူးပင်ကျေးဇူးတင်လျက် ရှိပါတယ်။ ထို့အတွက်ကြောင့် လည်းပဲ စိုက်ပျိုးစရိတ် ကာမိစေရန်အတွက် ချေးငွေများကို ပိုမိုပြီးတော့ ချေးပေးနိုင်ရန်နှင့် ချေးငှားရာ တွင်လည်း ဧက ၂၀ အထိ ချေးနိုင်ရန်အတွက် တင်ပြလိုပါတယ်။ စိုက်ပျိုးရေးဦးစီးဌာနမှ မျိုးစပါး များပေးဝေနေခြင်းတို့မှာ မလောက်ငှရုံမက နှစ်အလိုက် ဖြန့်ဝေနိုင်မှု လျော့နည်းကျဆင်းစေပါတယ်။ အထူးသဖြင့် ဒေသခံမျိုးရင်း မျိုးစပါးတို့သည်သာ စပါးအထွက်ကို အာမခံနိုင်သဖြင့် ရာသီဒဏ်ခံ နိုင်ခြင်းကို ရှေးရှု၍ ဖြန့်ဝေပေးစေလိုခြင်း၊ (၄) လယ်ယာ သွင်းအားစုဖြစ်သော မျိုး၊ ဓာတ်မြေသြဇာ၊ ပိုးသတ်ဆေး၊ ဆည်ရေသောက်ဒေသတို့တွင် စိုက်ပျိုးရေပုံမှန်ရရှိရေးစသည့် ပံ့ပိုးမှုများကို ထိရောက်စွာ ဖြန့်ဝေပေးဆောင်နိုင်ခြင်းဖြင့် တောင်သူလယ်သမားတို့၏ ဘဝတိုးတက်ရေးအတွက် မည်ကဲ့သို့ ထိရောက်စွာ အကောင်အထည်ဖော်ပေးနိုင်မည်ကို သိလိုသည့်အတွက် မေးမြန်းပါသည်။