(က) ပြည်သူလူထုသည် ပြည်ထောင်စုလွှတ်တော်၊ ပြည်သူ့လွှတ်တော်၊ အမျိုးသားလွှတ်တော်၊ တိုင်း ဒေသကြီး သို့မဟုတ် ပြည်နယ်လွှတ်တော်များ၏ အစည်းအဝေးများကို စိတ်ဝင်စားပြီး သတင်းအချက် အလက်အပြည့်အစုံ ကြားသိလိုကြသည်ကို ပြန်ကြားရေးဝန်ကြီးဌာနအနေဖြင့် သိပါသလား။ (ခ) အာဖရိကတိုက်ရှိ နိုင်ငံငယ်တချို့သည်ပင်လျှင် လွှတ်တော်အစည်းအဝေး၏ အခင်းအကျင်းနှင့် ဆွေးနွေးချက်များကို ၎င်းနိုင်ငံရှိ ရုပ်မြင်သံကြားအစီအစဉ်တို့မှ တိုက်ရိုက်ထုတ်လွှင့်ပြနေသည်ကို သိပါသလား။ (ဂ) မြန်မာနိုင်ငံတွင်လည်း စတုတ္ထပုံမှန်အစည်းအ‌ဝေး ပြည်ထောင်စုလွှတ်တော်၊ ပြည်သူ့လွှတ်တော်၊ အမျိုးသားလွှတ်တော် အစည်းအဝေးများ၏ အစီအစဉ်များနှင့် ဆွေးနွေးချက် များကို မြန်မာ့ရုပ်မြင်သံကြားမှ တိုက်ရိုက်ထုတ်လွှင့်ပေးရန် အစီအစဉ် ရှိပါသလား။ (ဃ) အစီ အစဉ်ရှိပါက မည်သည့်အချိန်၌ မည်ကဲ့သို့ ထုတ်လွှင့်ပေးမည်ကို သိလိုပါကြောင်း မေးမြန်းပါသည်။