ပုဂ္ဂလိက ဘဏ်များ၊ အစိုးရဘဏ်များနဲ့ သမဝါယမဘဏ်များမှာ ချေးငွေတင်ပြတောင်းခံတဲ့အခါမှာ စာချုပ် စာတမ်းအထောက်အထားများ အချက် ၁၆ ချက် ရေးသွင်းပေးရခြင်း၊ ချေးငွေများရရှိရန် နှစ်လ သို့မဟုတ် သုံးလခန့်ကြာမြင့်ခြင်း၊ ဘဏ်ချေးငွေဌာနများကလည်း လာဘ်ပေးလာဘ်ယူမှုများ ပြုလုပ် နေကြခြင်း၊ အဆောက်အဦ မီးအာမခံထားရာမှာ ငွေကြေးကုန်ကျမှုများပြားခြင်း၊ ဘဏ်ချေးငွေ တောင်းခံသူများကို ကြားမှဝင်၍ ဖြတ်စားလာဘ်စားလုပ်နေကြသည့် ဘဏ်ပွဲစားများ များစွာရှိနေခြင်း တို့ကို လက်တွေ့ဆောင်ရွက်ရာမှာ တွေ့ရှိနေကြရပါတယ်။ ယင်းကိစ္စများရှိနေတဲ့အတွက်ကြောင့်မို့လို့ SME အသေးစား၊ အလတ်စားလုပ်ငန်းရှင်များမှာလည်း အခက်အခဲများနဲ့ ကြုံတွေ့နေကြရတဲ့အတွက် နိုင်ငံတော်ရဲ့မူဝါဒနဲ့ ကိုက်ညီမှုမရှိကြောင်း တွေ့ရှိရပါတယ်။ သို့ဖြစ်ပါ၍ ကျွန်တော် မေးမြန်းလိုသော မေးခွန်းမှာ ပုဂ္ဂလိကဘဏ်များ၊ အစိုးရဘဏ်များ၊ သမဝါယမဘဏ်များနဲ့ အခြားသက်ဆိုင်ရာ ဘဏ် များအသီးသီးမှ ချေးငွေများ ချေးယူတဲ့အခါမှာ (၁) အချိန်ကြာမြင့်စွာဆွဲမနေဘဲ လျင်မြန်သွက်လက် လွယ်ကူစွာ လုပ်ဆောင်ပေးနိုင်ခြင်းရှိ/မရှိနဲ့ (၂) စာချုပ်စာတမ်းပါ အချက် ၁၆ ချက်ကိုလည်း ထိုက်သင့်သလောက် ဖြေလျှော့ပေးပါရန် အစီအစဉ်ရှိ/မရှိ သိရှိလိုပါကြောင်း ပြည်သူ့လွှတ်တော် ဥက္ကဋ္ဌကြီးမှတစ်ဆင့် လေးစားစွာဖြင့် မေးမြန်းအပ်ပါသည်။

ဦးတင်မောင် ချမ်းမြသာစည် မဲဆန္ဒနယ် (ကိုယ်စား) သိးအောင်သန့် ပုသိမ်ကြီး မဲဆန္ဒနယ်မှ မေးမြန်းပါသည်။