(ခ)-တောင်ပေါ်ဒေသကျေးရွာများ အတွက် ကျန်းမာရေးစောင့်ရှောက်မှု လုံလောက်အောင် စီမံပေးနိုင်မည့် အစီအစဉ် ရှိ/မရှိ နှင့်စပ်လျဉ်းသည့် မေးခွန်း
မန္တလေးတိုင်းဒေသကြီး၊ သာစည်မြို့နယ်မှာ မြို့ပေါ်ရပ်ကွက် ၇ ခုနှင့် ကျေးရွာအုပ်စု ၈၀ ရှိပြီး ကျေးရွာအုပ်စု ၁၀ စုဟာ ရှမ်းပြည်တောင်ပိုင်းနဲ့ထိစပ်နေတဲ့တောင်ပေါ်ဒေသများဖြစ်ပါတယ်။ အဆိုပါ တောင်ပေါ်ဒေသများ အနက် သဲပွတ်ကျေးရွာအုပ်စု၊ ဝါးရွက်ကျေးရွာအုပ်စု၊ ကျွဲတက်ကျေးရွာအုပ်စုများဟာ ရှမ်းပြည်နယ် ကလောမြို့နယ်၊ အောင်ပန်းမြို့နယ်မှတစ်ဆင့် ပင်းတယ-ရွာငံလမ်းအတိုင်းဝေးလံခက်ခဲစွာသွားရပါ တယ်။ တစ်ရွာနှင့် တစ်ရွာဆက်သွယ်ရာမှာ တောင်ဆင်းတောင်တက်ခြေလျင်ခရီးဖြင့်သာသွားလာကြရ ပြီး လမ်းပန်းဆက်သွယ်ရေးခက်ခဲကြမ်းတမ်းတဲ့အတွက် ဆေးရုံ၊ ဆေးခန်းကိုအချိန်မီသွားရောက်ကုသ နိုင်ဖို့အခက်အခဲများဖြစ်နေပါတယ်။ အဆိုပါဒေသများအနက် ငှက်ပျောတောကျေးရွာ၌ကျေးလက် ကျန်းမာရေးဌာနခွဲတစ်ခုသာရှိသဖြင့် ဒေသခံပြည်သူများအားကျန်းမာရေးစောင့်ရှောက်မှုမလုံလောက် ဖြစ်နေပါတယ်။ သို့ဖြစ်ပါ၍ သာစည်မြို့နယ်အတွင်းရှိ ဝေးလံခေါင်းပါးပြီး လမ်းပန်းဆက်သွယ်ရေး ခက်ခဲသည့်တောင်ပေါ်ဒေသကျေးရွာများအတွက် ကျန်းမာရေးစောင့်ရှောက်မှုလုံလောက်အောင်စီမံ ပေးနိုင်မည့်အစီအစဉ်ရှိ၊ မရှိနှင့် အစီအစဉ်ရှိပါကဆောင်ရွက်ပေးမည့်အချိန်ကာလအားသိရှိလိုသည့်အတွက် မေးမြန်းရခြင်း ဖြစ်ပါသည်။