အများပြည်သူ သယ်ယူပို့ဆောင်ရေးကဏ္ဍအတွက် မူဝါဒတွေ ချမှတ်ပြီးတော့ လက်တွေ့အကောင်အထည်ဖော်နိုင်ဖို့အတွက် ကျွန်တော့် မေးခွန်းကတော့ (က) ပုဂ္ဂလိက မော်တော်ယာဉ်အသစ်များ ဝယ်ယူနိုင်ရေးအတွက် ပြည်ထောင်စုအစိုးရ၏ လက်တွေ့ ဆောင်ရွက်မှုများကို အများပြည်သူအသိအမှတ်ပြုနေပြီ ဖြစ်ပါသည်။ သို့သော် ယနေ့အထိ ရန်ကုန်မြို့တော်၌ အများပြည်သူခရီးသွားလာရေး အထူးသဖြင့် ရုံးတက်ရုံးဆင်းအချိန်၌ ပြေးဆွဲလျက် ရှိသော မော်တော်ယာဉ်လိုင်းများသည် ယာဉ်အို၊ ယာဉ်ဟောင်းများကိုသာ ဆက်လက်သုံးစွဲနေဆဲဖြစ် သောကြောင့် ခရီးသည်များ အခက်အခဲအကျပ်အတည်းများ ကြုံတွေ့နေရပါသည်။ (ခ) အဆိုပါ ယာဉ်အို၊ ယာဉ်ဟောင်းများဖြင့် ယာဉ်လိုင်းများ၌ ပြေးဆွဲနေသောကြောင့် ခရီးသွားလာသူပြည်သူများ အနေဖြင့် အန္တရာယ်အမျိုးမျိုးကို ရင်ဆိုင်နေရသည်ဖြစ်ရာ ရန်ကုန်မြို့တော်၌ အိမ်နီးချင်းနိုင်ငံများ ကဲ့သို့ အဆင့်မီ၊ ခေတ်မီသော မော်တော်ယာဉ်များဖြင့် မည်သည့်အချိန်တွင် သွားလာနိုင်ရေးအတွက် ဆောင်ရွက်ပေးပါမည်နည်း။ (ဂ) အဆိုပါမော်တော်ယာဉ်များဖြင့် မော်တော်ယာဉ်လိုင်းများ ပြေးဆွဲနိုင် ရန် ပြည်ထောင်စုအစိုးရအနေဖြင့် ပြည်တွင်းပြည်ပ ရင်းနှီးမြှုပ်နှံမှု နိုင်ငံခြားအကူအညီနှင့် အထောက် အပံ့များရယူပြီး ဦးစားပေးအစီအစဉ်ဖြင့် ဆောင်ရွက်ပေးရန် အစီအစဉ် ရှိ၊ မရှိ သိလိုသည့်အတွက် မေးမြန်းရခြင်း ဖြစ်ပါသည်။