ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံ အခြေခံဥပဒေပုဒ်မ ၂၈၉ တွင် ရပ်ကွက် သို့မဟုတ် ကျေးရွာအုပ်စုကျေးရွာအုပ်ချုပ်ရေးမှူးများ၏ ပြည့်စုံရမည့်အရည်အချင်းနှင့် ကိုက်ညီပါက အမျိုးသမီးများအား ရွေးချယ်ပိုင်ခွင့်၊ တင်မြှောက်ပိုင်ခွင့် ရှိ၊ မရှိ သိရှိလိုပါတယ်ရှင့်။ အကျိုးအကြောင်းဖော်ပြချက်အရ ကရင်ပြည်နယ်မှာရှိတဲ့ ကျေးရွာဒေသ အချို့မှာ ကျေးရွာလူကြီးအဖြစ်ထားရှိရာမှာ ပြဿနာကို သိမ်မွေ့ညင်သာစွာ ဖြေရှင်းတတ်သော၊ ပို၍ ပြောဆိုဆက်ဆံတတ်သော အမျိုးသမီးများကိုသာ ရွာလူကြီးအဖြစ် ထားရှိကြပါတယ်ရှင့်။ သို့ဖြစ်ပါ၍ ကျေးရွာအုပ်စုကျေးရွာအုပ်ချုပ်ရေးမှူးများ၏ ပြည့်စုံရမည့်အရည်အချင်းနှင့် ကိုက်ညီပါက အမျိုးသမီး များအား ရွေးချယ်ပိုင်ခွင့်၊ တင်မြှောက်ပိုင်ခွင့်ရှိ၊ မရှိသိရှိလိုသည့်အတွက် မေးမြန်းရခြင်း ဖြစ်ပါသည်။