(ဂ)-လက်နက်ကိုင်အဖွဲ့အစည်းများအကြား အပစ်အခတ်ရပ်စဲရေး သဘောတူညီမှုရရှိပြီးနောက် မည်သည့်အတွက်ကြောင့် တိုက်ပွဲများ ဆက်လက်ဖြစ်ပွားနေခြင်းနှင့် စပ်လျဉ်းသည့် မေးခွန်း
ပြည်တွင်း ငြိမ်းချမ်းရေးဖော်ဆောင်ရန်အတွက် နိုင်ငံတော်သမ္မတကြီးမှ ပြည်တွင်းငြိမ်းချမ်းရေး ဖော်ဆောင်မှု ကော်မတီများဖွဲ့စည်းပြီး တိုင်းရင်းသားလက်နက်ကိုင် အဖွဲ့အစည်းများနဲ့ တွေ့ဆုံဆွေးနွေးမှုများ ဆောင်ရွက်ခဲ့ပြီး ကချင်ဒေသမှလွဲပြီး ကျန်တိုင်းရင်းသားလက်နက်ကိုင် အဖွဲ့များနဲ့ အပစ်အခတ်ရပ်စဲ ရေးသဘောတူညီမှုများရယူနိုင်ခဲ့တာကို သိရှိရပါတယ်။ အပစ်အခတ်ရပ်စဲရေး သဘောတူညီမှုရရှိခဲ့ပြီးတဲ့နောက် ရှမ်းပြည်နယ်ဒေသအချို့မှာ တိုက်ပွဲများဖြစ်ပွားလျက် ရှိနေကြောင်းလည်း ကြားသိနေရပါတယ်။ တိုက်ပွဲများရဲ့ ခါးသီးတဲ့အတွေ့အကြုံ ခံစားနေရတဲ့ပြည်သူများ၊ ငြိမ်းချမ်းရေးကို လိုလားနေ သော ပြည်သူများအနေနဲ့ စိတ်အေးနိုင်မှုမရှိဘဲ လက်နက်ကိုင်ပဋိပက္ခများ ဆက်တိုက်ဖြစ်ပွားလာမှာ ကိုစိုးရိမ်လျက်ရှိနေကြပါတယ်။ သို့ဖြစ်တဲ့အတွက် မေးမြန်းလိုသည်မှာ တပ်မတော်နှင့်တိုင်းရင်းသား လက်နက်ကိုင်အဖွဲ့အစည်းများကြား အပစ်အခတ်ရပ်စဲရေး သဘောတူညီမှုရရှိပြီး သဘောတူညီမှု လက်မှတ်ရေးထိုးပြီးတဲ့နောက် မည်သည့်အတွက်ကြောင့် တိုက်ပွဲများဆက်လက်ဖြစ်ပွားနေပါသနည်း။ အမှန်တကယ်အပစ်အခတ်ရပ်စဲရေးအတွက် မည်သို့ဆက်လက်ဆောင်ရွက်မည်ကို သိရှိလိုပါကြောင်း မေးမြန်းပါသည်။