(က)-အမှတ် ၃ လမ်းမကြီးအား ၄ လမ်း သို့မဟုတ် ၆ လမ်းသြား လမ်းမကြီးအဖြစ် အမြန်ဆုံး ဆောင်ရွက်ပေးနိုင်ခြင်း ရှိ/မရှိ နှင့်စပ်လျဉ်းသည့် မေးခွန်း
2020-12-22
ရန်ကုန်-နေပြည်တော် အမြန်လမ်းနှင့် တစ်ဆက်တည်းဖြစ်တဲ့ ရန်ကုန်တိုင်းဒေသကြီး မင်္ဂလာဒုံမြို့နယ်အတွင်းမှာ အမှတ်(၃)လမ်းမကြီး တည်ရှိပါတယ်။ အဲဒီ အမှတ် (၃) လမ်းမကြီးဟာ ယာဉ်ကြော နှစ်ခုပဲရှိပါတယ်။ အဲဒီလို ယာဉ်ကြောနှစ်ခုရှိပြီး ဆိုက်စီး Bus များ၊ ကုန်တင် ၁၀ဘီးကားများ၊ မြို့တွင်းယာဉ်လိုင်းများဟာ အဆက်မပြတ်သွားလာနေပါတယ်။ လူဦးရေ လည်း ထူထပ်တဲ့အတွက်ကြောင့်မို့လို့ ယာဉ်အန္တရာယ်များ မကြာခဏဖြစ်ပြီးတဲ့အခါမှာ အသက်များ ဆုံးရှုံးရတာကို တွေ့ရှိရပါတယ်။ သို့ဖြစ်ပါ၍ ယာဉ်အန္တရာယ်ကင်းရှင်းစွာ သွားလာနိုင်ရေးအတွက် အမှတ်(၃) လမ်းမကြီးအား ၄ လမ်း သို့မဟုတ် ၆ လမ်းသွားလမ်းမကြီးအဖြစ် အမြန်ဆုံးဆောင်ရွက်ပေး နိုင်မှုရှိ၊ မရှိ သိရှိလိုပါတယ်။ ဆောင်ရွက်ပေးမည်ဆိုပါက မည်သည့်အချိန်ကာလတွင် စတင် ဆောင်ရွက်မည်ဖြစ်ကြောင်း ဖြေကြားပေးပါရန် မေးမြန်းပါသည်။