(ခ)-ရေငံတား တာပတ်ရာမှ စိုက်ပျိုးနိုင်သော မြေသစ်များကို ပြန်လည်ခွဲဝေပေးနိုင်ရန် နှင့်စပ်လျဉ်းသည့် မေးခွန်း
ကျွန်တော်က တောင်သူလယ်သမားများအကျိုးအတွက် မေးမြန်းမှာ ဖြစ်ပါတယ်။ ပင်လယ် ကမ်းရိုးတန်းဒေသအချို့မှာ ပင်လယ်တိမ်ကောသွားသဖြင့် ပေါ်ထွက်လာသော မြေသစ်များကို ရေငန်တားတာပတ်ပေးသဖြင့် လယ်မြေများ ဧကသောင်းချီ၍ ပေါ်ပေါက်လာခဲ့ပြီး စိုက်ပျိုးနိုင်သော မြေသစ်များကို ခွဲဝေချထားပေးခြင်းခံရသူများသည် ချထားပေးသော မြေဧကပြည့် တာဝန်ယူစိုက်ပျိုးမှု မရှိသဖြင့် တိုင်းပြည်အတွက် အကျိုးမဲ့ဖြစ်စေသလို ဒေသခံလယ်မဲ့ယာမဲ့များအတွက်လည်း ရသင့် ရထိုက်သော အခွင့်အရေးများ နစ်နာခဲ့ရသဖြင့် အထက်ပါဖြစ်စဉ်များကို ပြန်လည် စိစစ်သုံးသပ်၍ ဒေသခံလယ်မဲ့ယာမဲ့များအား သင့်လျော်သလို မြေယာများကို ပြန်လည်ခွဲဝေပေးသင့်ကြောင်း အဆိုပါ ရေငန်တားတာပတ်ရာမှ ထွက်ပေါ်လာသည့်စိုက်ပျိုးနိုင်သော မြေသစ်များကို ဒေသခံလယ်မဲ့ယာမဲ့ များအား ပြန်လည်ခွဲဝေပေးနိုင်ရန်အတွက် လုပ်ဆောင်ရန် အစီအစဉ်ရှိ၊ မရှိ သိလိုသည့်အတွက် မေးမြန်းရခြင်း ဖြစ်ပါသည်။